ერთადერთი დეპუტატი, რომელმაც მეორე მოსმენით „უცხოური აგენტების შესახებ“  კანონპროექტს მხარი დაუჭირა, "ქართული ოცნების" დეპუტატი, პარტიის რეგიონალური მდივანი დიმიტრი სამხარაძე იყო. სამხარაძემ მიუხედავად პარტიის გადაწყვეტილებისა, მისი პოზიცია არ გადათქვა. 

საქართველოს პარლამენტმა „უცხოური აგენტების შესახებ“ კანონპროექტი მეორე მოსმენით ჩააგდო. საკანონმდებლო ორგანოს პლენარულ სხდომას სულ 112 დეპუტატი ესწრებოდა. მათგან კანონპროექტის წინააღმდეგ 35 კანონმდებელი წავიდა, 1-მა კი, მხარი დაუჭირა.

პარლამენტში „უცხოური აგენტების შესახებ“ კანონპროექტი პირველი მოსმენით 7 მარტს მიიღეს, 8 მარტს კი, პარლამენტის თავმჯდომარემ ის ვენეციის კომისიაში გადააგზავნა. მანამდე, კანონპროექტს მხარი 2 მარტს, საგარეო ურთიერთობათა და თავდაცვისა და უშიშროების კომიტეტების გაერთიანებულ სხდომაზე, 6 მარტს კი, იურიდიულ კომიტეტზე დაუჭირეს.