რომის პაპი ფრანცისკე მზად არის, ეწვიოს უკრაინას, მაგრამ მხოლოდ იმ პირობით, რომ  შემდეგ რუსეთშიც ჩავა.

როგორც რომის პაპმა La Nacion-თან ინტერვიუში განაცხადა, ან ორივე ქვეყანაში ჩავა, ან არც ერთში.

"მე მსურს კიევში ჩასვლა, თუმცა  იმ პირობით, რომ მოსკოვშიც ჩავალ. მოვინახულებ ან ორივე ადგილს, ან არც ერთს", - ამბობს ფრანცისკე და აზუსტებს, რომ ამჟამად ის მოსკოვს ვერ ეწვევა, თუმცა "ეს შეუძლებელი არ არის".

„ვიმედოვნებ, რომ ამის განხორციელებას შევძლებთ, თუმცა არანაირი დაპირებები არ არის“, - განაცხადა რომის პაპმა.