რუსეთის ფედერაციის პრეზიდენტი ვლადიმერ პუტინი უკანონოდ ანექსირებულ ყირიმში ვიზიტის შემდეგ, დროებით ოკუპირებულ მარიუპოლში ჩავიდა.

რუსული მედიის ინფორმაციით, პუტინი მარიუპოლში ვერტმფრენით ჩაფრინდა, ქალაქის უბნებში კი, მანქანით გადაადგილდებოდა.

მედიის ცნობით, რუსეთის პრეზიდენტმა დაათვალიერა სანაპირო ზოლი, აზოვის სახელმწიფო ტექნიკური უნივერსიტეტის შენობა და ნევსკის რაიონში ადგილობრივებსაც ესაუბრა.

ცნობისთვის, ვლადიმერ პუტინი ყირიმს გუშინ, 18 მარტს სტუმრობდა.