ეკვადორის სამხრეთ ნაწილში 6.8 მაგნიტუდის სიმძლავრის მიწისძვრის შედეგად, სულ მცირე, 16 ადამიანი დაიღუპა და 381 დაშავდა. აღნიშნულ ინფორმაციას CNN ქვეყნის ხელისუფლებაზე დაყრდნობით ავრცელებს.

ამერიკის შეერთებული შტატების გეოლოგიური სამსახურის ინფორმაციით, მიწისძვრის ეპიცენტრი ქალაქ ბალაოს მახლობლად, 65 კმ-ის სიღრმეზე დაფიქსირდა.

ამ დროისთვის, მიწისძვრის შედეგად ნანგრევებში მოყოლილი ადამიანების გადასარჩენად სამძებრო-სამაშველო სამუშაოები მიმდინარეობს.