შვედეთის პარლამენტმა ოთხშაბათს ოფიციალურად დაამტკიცა კანონპროექტი, რომელიც ნებას რთავს ქვეყანას გაწევრიანდეს ნატო-ში.

ჩრდილოატლანტიკურ ალიანსში შესვლას მხარი დაუჭირა 269 დეპუტატმა 37 კი, წინააღმდეგი იყო. 

შვედეთის საგარეო საქმეთა მინისტრმა, ტობიას ბილსტრომმა განაცხადა, რომ ქვეყნის ნატო-ს წევრობა საუკეთესო საშუალებაა შვედეთის უსაფრთოხების უზრუნველსაყოფად.

ამჟამად ნატო-ს წევრი ქვეყნების საკანონმდებლო ორგანოებში შვედეთის გაწევრიანების საკითხის რატიფიცირების პროცესი მიმდინარეობს.

შეგახსენებთ, შვედეთმა ნატო-ში გაწევრიანების გადაწყვეტილება 2022 წლის მაისში მიიღო, მას შემდეგ, რაც რუსეთმა უკრაინაზე სრულმასშტაბიანი იერიში მიიტანა.