ფინეთის პრეზიდენტმა საული ნიინისტომ ხელი მოაწერა კანონს, რომელიც ქვეყანას ნატო-ში გაწევრიანების საშუალებას აძლევს,- აღნიშნულის შესახებ ინფორმაციას Bloomberg-ი ავრცელებს.

გამოცემის ცნობით, ნატო-ში გაწევრიანებაზე ფინეთის განაცხადის რატიფიცირება ალიანსის წევრი 30 ქვეყნიდან 28-მ განახორციელა და ფინეთის გაწევრიანება მას შემდეგ გახდება შესაძლებელი, რაც რატიფიცირების პროცესს უნგრეთი და თურქეთიც დაასრულებენ.

მათივე ცნობით, უნგრეთი ფინეთის განაცხადის რატიფიცირებას მომავალ კვირას გეგმავს.

ამასთან, როგორც თურქეთის პრეზიდენტმა, რეჯეფ თაიფ ერდოღანმა განაცხადა, პარლამენტი რატიფიცირების პროცესს დაიწყებს.