დედაქალაქის ქუჩებში "ხალხის ძალის" მიერ ინიცირებული "უცხოური აგენტების" კანონპროექტზე ხელმომწერი პოლიტიკოსების პოსტერები გამოჩნდა, წარწერებით : საქართველოს სირცხვილი, მოღალატე და  პუტინის მონა.

მომხდარ ფაქტს "ნაციონალური მოძრაობის" თავმჯდომარე, ლევან ხაბეიშვილი გამოეხმაურა და განაცხადა, რომ როდესაც ადამიანი ქვეყანას ღალატობ, პუტინისტობ და საქართველოს ოკუპანტ ქვეყანაში ექაჩები, ამ ყოველივეზე ხალხს შესაბამისი რეაქცია აქვს.

"რუსული ოცნების და რუსულ კანონზე ხელმომწერების პოსტერები დედაქალაქში - როცა ქვეყანას ღალატობ, პუტუნისტობ და საქართველოს, ოკუპანტ ქვეყანაში ექაჩები, შესაბამისი რეაქცია აქვს ხალხს

ჩვენი ქვეყნის მომავალი ევროპაშია", - წერს ხაბეიშვილი.