საქართველოს პრეზიდენტი სალომე ზურაბიშვილი ფინეთის ნატო-ში გაწევრიანების საკითხს გამოეხმაურა.

პრეზიდენტმა ფინეთს ალიანსში გაწევრიანება მიულოცა და აღნიშნა, რომ ეს საქართველოსთვის ძლიერი ბიძგია და ქვეყანა ევროატლანტიკური ინტეგრაციის გზას ერთგულად გააგრძელებს.

"ფინეთი ნატოს 31-ე წევრი ქვეყანა გახდა, ასე დაიწერა ისტორია. გილოცავთ!

ეს ძლიერი ბიძგია და საქართველო ევროატლანტიკური ინტეგრაციის გზას ერთგულად გააგრძელებს”, - წერს ზურაბიშვილი.

შეგახსენებთ, დღეს ფინეთი ოფიციალურად ნატო-ს წევრი გახდა.