ისრაელმა ლიბანსა და ღაზას სექტორში ავიაიერიშები განახორციელა. აღნიშნულ ინფორმაციას BBC ისრაელის თავდაცვის სამინისტროზე დაყრდნობით ავრცელებს.

თავდაცვის უწყების ცნობით, ავიაგამანადგურებლებმა იერიში "ჰამასთან" დაკავშირებულ სამიზნეებზე, მათ შორის გვირაბებსა და იარაღის წარმოების ობიექტებზე მიიტანეს. 

ისრაელში აცხადებენ, რომ ავიაიერიშები პასუხია პალესტინის შეიარაღებული დაჯგუფება "ჰამასის" მიერ სამხრეთ ლიბანიდან ისრაელის მიმართულებით ათობით რაკეტის გასროლაზე.