ამერიკული გამოცემა The Wall Street Journal-ის ჟურნალისტ ევან გერშკოვიჩს ჯაშუშობის მუხლით ბრალი ოფიციალურად წაუყენეს. ამის შესახებ ინფორმაციას რუსული მედია ავრცელებს.

ბრალდების თანახმად, ამერიკელმა ჟურნალისტმა, შეაგროვა ინფორმაცია, რომელიც წარმოადგენს სახელმწიფო საიდუმლოებას რუსეთის სამხედრო-სამრეწველო კომპლექსის ერთ-ერთი საწარმოს საქმიანობის შესახებ.

32 წლის ჟურნალისტმა „ეფესბეს“ მიერ წარდგენილი ბრალდება არ აღიარა და განაცხადა, რომ რუსეთში მხოლოდ ჟურნალისტური საქმიანობით იყო დაკავებული, იგივე პოზიციას იზიარებს გამოცემაც.

შეგახსენებთ, რომ ჟურნალისტი 30 მარტს ეკატერინბურგში ჯაშუშობის ბრალდებით დააკავეს.