საქართველოს მესამე პრეზიდენტის, მიხეილ სააკაშვილის საქმის პროკურორის, ლევან ვეხვაძი განხადებით, ექს-პრეზიდენტ უკრაინის სახელმწიფო საზღვრის გადმოკვეაში ყოფილი ქართველი მაღალჩინოსანი ეხმარებოდა. პროკურორის თქმით, დღევანდელ სასამართლო სხდომაზე მტკიცებულებების დასაშვებობაზე იმსჯელებენ "ფაქტი ერთია, ადამიანი, ბრალდებული მიხეილ სააკაშვილი არ შემოსულა ოფიციალურად სახელმწიფო საზღვარზე და ის იმყოფება საქართველში. რაც შეეხება მეორე საკითხს, რამდენად გამოკვლეულია, მტკიცებულებებით რამდენად დგინდება საიდან წამოვიდა და რა მიმართულებით, საგამოძიებო ორგანოს მიერ ჩატარებული საპროცესო და საგამოძიებო მოქმედებების შედეგად დეტალურადაა დადგენილი მათ შორის უკრაინის სახელმწიფო ტერიტორიაზე ვინ ეხმარებო...
დღეს, საქალაქო სასამართლოში საზღვრის უკანონო კვეთის საქმეზე, საქართველოს მესამე პრეზიდენტის მიხეილ სააკაშვილის სასამართლო პროცესი გაიმართება. პროცესი 12:00 საათზე არის ჩანიშნული. ცნობისთვის, გუშინ მიხეილ სააკაშვილმა თქვა, რომ დიდი ალბათობით სისუსტის გამო პროცესს ვერ დაესწრება. შინაგან საქმეთა სამინისტრომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმზე ბრალდება კიდევ 4 პირს აქვს წაყენებული.
ნიკა გვარამია „რუსთავი 2“-ის თაობაზე გამართულ სასამართლო გადაწყვეტილებას გამოეხმაურა, რომლის თანახმად, სასამართლომ სარჩელი არ დააკმაყოფილა და ტელეკომპანია კვლავ ქიბარ ხალვაშს დარჩა. „მთავარი არხის“ გენერალური დირექტორის განცხადებით, სასამართლოს მიერ მიღებული გადაწყვეტილება არაკეთილსინდისიერია. „დღეს, სასამართლომ ჩვენ მოგვცა შესაძლებლობა, რომ როცა ნორმალური სასამართლო იქნება, ახლადაღმოჩენილი გარემოების გამო, დავიბრუნოთ „რუსთავი 2“ და შევიდეთ კვლავ ამ საქმის განხილვაში. როგორ? მან თქვა, რომ ქიბარ ხალვაშსა და აქიმიძე/დვალს შორის, უშუალოდ ამ ორ ადამიანს შორის გაფორმებული კონტრაქტით, ქიბარ ხალვაში კეთილსინდისიერი შემძენი იყო. ახლა გაიხსენეთ, რ...
ბერლინის სასამართლო ჩეჩენი საველე მეთაურის, საქართველოს მოქალაქე ზელიმხან ხანგოშვილის მკვლელობის საქმეზე ბრალდებულისთვის უვადო პატიმრობას ითხოვს. ფედერალურმა პროკურორმა ნიკოლაუს ფორშნერმა ბერლინის სააპელაციო სასამართლოს წინაშე წარდგენისას განაცხადა, რომ რუსმა ბრალდებულმა, ვადიმ კრასიკოვმა 2019 წლის აგვისტოში საქართველოს მოქალაქეს ესროლა. ბრალდება მოითხოვს, ვადიმ კრასიკოვი დამნაშავედ ცნონ მკვლელობისა და იარაღის უკანონოდ ტარებაში. ცნობისთის, საქართველოს მოქალაქე, ზელიმხან ხანგოშვილი ბერლინში 2019 წლის აგვისტოში მოკლეს. გერმანიის პროკურატურამ მკვლელობის შეკვეთასა და ორგანიზებაში რუსეთი დაადანაშაულა.
ფინანსთა სამინისტროს შემოსავლების სამსახურის საბაჟო გამშვებ პუნქტებში ,,სარფი", ,,ბათუმის აეროპორტი" და ,,სადახლო-საავტომობილო", კანონდარღვევის 3 ფაქტი აღიკვეთა. აღნიშნულის შესახებ ფინანსთა სამინისტროს ინფორმაციას შემოსავლების სამსახური იუწყება. უწყების ცნობით, მებაჟე ოფიცრების მიერ, საქართველოს, სომხეთის, თურქეთისა და თურქმენეთის მოქალაქეების, როგორც ფიზიკურად, ისევე კუთვნილი ბარგის დათვალიერების შედეგად, არადეკლარირებული ოქროს საიუველირო ნაკეთობები და ძვირფასი ქვები გამოვლინდა. განსაკუთრებით, აღსანიშნავია ბათუმის აეროპორტში მომხდარი ფაქტი, სადაც თურქმენეთის რესპუბლიკის მოქალაქე საბაჟო კონტროლის გვერდის ავლით შეეცადა 47 377 ლარის ღირებულების ოქროს ნაკეთობები მალულად შემ...
ქობულეთში ურთიერთშელაპარაკების ნიადაგზე 30 წლამდე მამაკაცს სასიკვდილო ჭრილობა მიაყენეს. მსხვერპლი ადგილზე გარდაიცვალა. შსს-ს ცნობით, გამოძიება განზრახ მკვლელობის ბრალდებით მინდინარეობს.
ქუთაისის მერიის შენობასთან მიმდინარე აქციაზე დაპირისპირება იყო. სამოქალაქო აქტივისტმა ახალი მოწვევის საკრებულოს სხდომაზე დასწრების მიზნით შენობაში შესვლა სცადა, რის შემდეგაც აქტივისტი დააკავეს. არსებული ინფორმაციით, იგი წინასწარი დაკავების იზოლატორშია გადაყვანილი. ცნობისთვის, ქუთაისის საკრებულო სხდომა ხმაურის ფონზე მიმდინარეობს. ადგილზე სამოქალაქო აქტივისტები აქციას მართავენ. ისინი ცესკოს დამკვირვებლების ფორმაში არინ გამოწყობილი.
ბატონო არჩილ, მე მინდა თქვენ გკითხოთ, ამ განცხადებისთვის, რომ გეთქვათ, „ბრალდებულო სააკაშვილო“, თქვენ რამდენ პრემიას ელოდებით? . - ასე მიმართა მიხეილ სააკაშვილის უფლებადამცველმა საქმის პროკურორ არჩილ ტყეშელაშვილს. ამასთან ბექა ბასილაია პროკუროს ეკითხება უღირს თუ არა ის პრემია, რასაც ის ამ განცხადებისთვის მიიღებს. „ბატონო არჩილ, მე მინდა თქვენ გკითხოთ, ამ განცხადებისთვის, რომ გეთქვათ, „ბრალდებულო სააკაშვილო“, თქვენ რამდენ პრემიას ელოდებით? თქვენ ამისთვის ხართ ამ პროცესზე, რომ გეთქვათ „ბრალდებულო სააკაშვილო“, მე მინდა თქვენ გკითხოთ, განა გიღირთ ის პრემია, რომელსაც ელოდებით ამ განცხადებისთვის? როდესაც პოლიტიკური სიო სხვაგან უბერავს, თქვენი სამა...
თბილისის საქალაქო სასამართლოში მიმდინარე ე.წ პიჯაკების პროცესზე, საქართველოს მესამე პრეზიდენტის ადვოკატებმა, საქმის პროკურორის გიორგი მუჯირის აცილება მოითხოვეს. შუამდგომლობის არგუმენტად, მიხეილ სააკაშვილის უფლებადამცველებმა პროკურორის მედიაში გავრცელებული ინტერვიუ დაასახელეს, რომელშიც გიორგი მუჯირი საქმის დეტალებზე და გარემოებებზე საუბრობდა. ადვოკატების განცხადებით, გიორგი მუჯირის განცხადებები პოლიტიკურად მოტივირებული იყო. "თქვენ ამ საქმეში ხარჯები დიფერენცირებული არ გაქვთ. თქვენ ამ საქმეში თაიგულებზე ასამართლებთ პრეზიდენტს და თუ გაქვთ სამართლებრივი კომპეტენცია, მაშინ კეთილი გენებათ და გეთქვათ, ბოტოქსებზე აქვს ბრალდება წარდგენილი და არა პიჯაკებზე, არა თაიგულებზე...მარა ესე არ გ...
გიგი უგულავას საქმეზე სასამართლო, სავარაუდოდ, დღეს იმსჯელებს უგულავა 29 ნოემბერს, ადმინისტრაციულ სამართალდარღვევათა კოდექსის 173-ე მუხლით დაკავეს. პოლიციამ იგი მარნეულის დროებითი მოთავსების იზოლატორში გადაიყვანა. ცნობისთვის, გიგი უგულავა საქალაქო სასამართლოსთან მიხეილ სააკაშვილის პროცესის პარალელურად გამართულ აქციაზე დააკავეს. სასამართლოსთან აქციის მონაწილეებმა უგუავასთან ერთად გზა გადაკეტეს. ოპოზიციონერ ლიდერს პოლიციის დაუმორჩილებლობას ედავებიან.
თელავის რაიონულმა სასამართლომ წინანდლის ტყეში მომხდარი მკვლელობის საქმეზე დაკავებული ძიუდოისტი ზურაბ ზვიადაური გაათავისუფლა. სასამართლომ დაკავებულებისთვის აღკვეთის ღონისძიების შეცვლაზე დღეს იმსჯელა და ზვიადაური 50 000-ლარიანი გირაოს სანაცვლოდ გაათავისუფლა. სასამართლოს გადაწყვეტილებით, საპატიმროს, ასევე გირაოს სანაცვლოდ, დატოვებს 16 აგვისტოს, საქმის კიდევ ერთი ბრალდებული, ჯაბა ჯანგირაშვილი. ცნობისთვის, 16 აგვისტოს, სოფელ წინანდლის ტყეში ორმხრივი სროლის დროს დაიჭრა 5 პირი, მათ შორის 3 გარდაიცვალა. გარდაცვლილთაგან ერთი ყოფილი დეპუტატის და ოლიმპიური ჩემპიონის ზურაბ ზვიადაურის ძმა ზვიად ზვიადაური იყო. ზურაბ ზვიადაურს საგამოძიებო უწყება განზრახ მკვლელობას ედავებოდა, ხოლის ჯაბა ჯანგი...
ამერიკის შეერთებული შტატების საელჩო, კიდევ ერთხელ, იმედგაცრუებულია, რომ პარლამენტი განაგრძობს უზენაესი სასამართლოს მოსამართლეების დანიშვნის პროცესს სასამართლო რეფორმის წინა ტალღების დამოუკიდებელი შეფასების დასრულებამდე, - ამის შესახებ საქართველოში აშშ-ის საელჩოს მიერ გავრცელებულ განცხადებაში ვკითხულობთ. საელჩო წუხს, რომ მოსამართლეების დანიშვნა მიმდინარეობს იუსტიციის უმაღლესი საბჭოს არამოსამართლე წევრების მონაწილეობის გარეშე. მაშინ, როდესაც იუსტიციის უმაღლესმა საბჭომ და პარლამენტმა ნაჩქარევად წარმართა მოსამართლეთა დანიშვნის პროცესი გასული წლის განმავლობაში, არანაირი ქმედება არ განხორციელებულა იუსტიციის საბჭოს არამოსამართლე წევრების დანიშვნასთან დაკავშირებით, მიუხედავად იმისა, რომ ეს თან...
საქართველოს ყოფილი პრეზიდენტის, მიხეილ სააკაშვილის ბრალდების სისხლის სამართლის საქმეზე სასამართლო პროცესი დღეს, 13:00 საათზე გაიმართება. ადვოკატების და თავად ბრალდებულის მოთხოვნის მიუხედავად, რომ სხდომა სასამართლოში ჩატარდეს, პროცესის ადგილი ამ დრომდე უცნობია. უფლებადამცველების განმარტებით, სასამართლომ დაწესებულებიდან პატიმრის გადაყვანა გუშინ მოითხოვა, თუმცა ამ დრომდე უცნობია პენიტენციური დაწესებულების პოზიცია. პენიტენციური სამსახურის თანხმობის შემთხვევაში, რამდენიმეწლიანი სასამართლო განხილვების შემდეგ, საკუთარი ბრალდების სისხლის სამართლის საქმეზე მიხეილ სააკაშვილი დასწრებას პირველად შეძლებს. ცნობისთვის, სახელმწიფო ბრალდება მიხეილ სააკაშვილს 2007 წლის 7 ნოემბერს, მომიტინგეთა მასობრი...
თბილისის საქალაქო სასამართლოში 5 ივლისს თბილისი პრაიდის ოფისზე ჯგუფურად თავდასხმის, უკანონოდ შეჭრის, ინვენტარის დაზიანებისა და განადგურების ფაქტზე ბრალდებული სამი პირის სასამართლო სხდომა გაიმართა. პროცესზე ექსპერტები გამოიკითხნენ, რომლებმაც შემთხვევის ადგილზე ოფისის ინვენტარის დაზიანებებზე ისაუბრეს. ბრალდებულის უფლებადამცველების თქმით, მათი დაცვის ქვეშ მყოფებს ოფისის ინვენტარი არ დაუზიანებიათ და უდანაშაულოები არიან. "დაადასტურეს, რომ ბანერები იყო დაზიანებული, ჩამოგდებული, დამწვარი. ჭიკარტებდაკრული ბანერებით მიხვდნენ, რომ ის იყო ჩამოგდებული, თორემ ის, რომ მათ დაენახათ როგორ აგდებდნენ ბანერებს, ვინ აგდებდა, მსგავსი რამ მოწმეს არ უთქვამს. ვიდეომასალები იყო ამოღებული რო...
გირჩი — მეტი თავისუფლების აქტივისტის, გიორგი ბალხამიშვილის ცემის ბრალდებით ორი ადამიანი დააკავეს. ინფორმაციას შინაგან საქმეთა სამინისტრო ავრცელებს. უწყების ცნობით, გამოძიებით დადგინდა, რომ ბრალდებულებმა 3 ნოემბერს, პენიტენციურ დაწესებულებასთან გამართული აქციის შემდეგ, ბალხამიშვილის სახლში დაბრუნებისას სიტყვიერი და ფიზიკური შეურაცხყოფა მიაყენეს. შსს-ს განცხადებით, გამოძიება საქართველოს სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს. სამოქალაქო აქტივისტის, გიორგი ბალხამიშვილის თქმით, მას რუსთავის N12 პენიტენციურ დაწესებულების მიმდებარედ, მიხეილ სააკაშვილის მხარდაჭერი აქციიდან შინ დაბრუნებისას ფიზიკურად გაუსწორდნენ.
სამხედრო პოლიციის დეპარტამენტის ყოფილმა უფროსმა მეგის ქარდავამ პროტესტის ნიშნად თბილისის საქალაქო სასამართლოს სხდომათა დარბაზი დატოვა. მისი განცხადებით, სასამართლო პროცესი პოლიტიკურად მოტივირებულია. როგორც ქარდავამ აღნიშნა ის და მისის მეგობრები ქვეყნის უსაფრთხოებას იცავდნენ. „მე და ჩემი მეგობრები ვიცავდით საქართველოს უსაფრთხოებას. ეს საქმე არის პოლიტიკურად მოტივირებული. მტკიცებულებები არის გაყალბებული და ჩვენებები მიღებულია შურისძიების, შანტაჟისა და წამების გამოყენებით. არანაირი ნდობა არ გამაჩნია, რომ აქ აღსრულდება მართლმსაჯულება და დადგება ობიექტური განაჩენი. მე პროტესტის ნიშნად ვტოვებ დარბაზს“, – განაცხადა მეგის ქარდავამ. მისი ადვოკატის მალხაზ ველი...
საქართველოს პროკურატურამ ტაილანდის მოქალაქე ტრანსგენდერი ქალის განზრახ მკვლელობისთვის და ორი ან მეტი პირის განზრახ მკვლელობის მცდელობის ფაქტზე, ერთ პირს ბრალი წარუდგინა. შინაგან საქმეთა სამინისტროს მიერ ჩატარებული გამოძიებით დადგინდა, რომ 31 ოქტომბერს, ბრალდებული თბილისში, გ.ახვლედიანის ქუჩაზე მდებარე მასაჟის სალონში, გენდერული იდენტობის ნიშნით შეუწყნარებლობის მოტივით, ტრანსგენდერების მოკვლის მიზნით მივიდა, სადაც ერთ-ერთ ტრანსგენდერ თანამშრომელს თავს დაესხა და სხეულის სხვადასხვა არეში დანით ჭრილობები მიაყენა. მიღებული დაზიანებების შედეგად, სალონის თანამშრომელი გარდაიცვალა. ბრალდებულმა ასევე, განზრახ მოკვლის მიზნით, დანით ჭრილობები მიაყენა სალონში მყოფ სხვა ტრანსგენდერ თან...
სახელმწიფო უსაფრთხოების სამსახურში მიმდინარეობს გამოძიება სახელმწიფო ხელისუფლების დასამხობად შეთქმულების ფაქტზე განცხადებას ავრცელებს. "საზოგადოებისთვის ცნობილია, რომ სახელმწიფო უსაფრთხოების სამსახურში მიმდინარეობს გამოძიება სახელმწიფო ხელისუფლების დასამხობად შეთქმულების ფაქტზე, საქართველოს სისხლის სამართლის კოდექსის 315-ე მუხლის პირველი ნაწილით. ბოლო დროს სოციალურ ქსელებსა და მასობრივი ინფორმაციის საშუალებებში სხვადასხვა პირის მიერ ვრცელდება დანაშაულის ნიშნების შემცველი შინაარსის საჯარო განცხადებები და მოქალაქეები განზრახ თუ გაუცნობიერებლად პირდაპირ მოუწოდებენ თანამოაზრეებს რევოლუციისა და ხელისუფლების დამხობისკენ, მათ შორის ძალადობრივი გზებით. მოწოდება საქართველოს კონსტიტუციურ...
დამოუკიდებელი იურისტების ჯგუფი 31 ოქტომბერს გამართულ მოსამართლეთა კონფერენციას ეხმიანება და ამბობს, რომ მოსამართლეები ამჯერადაც მოწყვლადი აღმოჩნდნენ გავლენიანი ჯგუფის ნების წინააღმდეგ და საბჭოს წევრებად არჩეული მოსამართლები კლანთან მჭიდროდ დაახლოებული პირები არიან. იურისტების განცხადებით, კონფერენცია ჩატარდა მაშინ, როდესაც მთელი ყურადღება ქვეყანაში მიმდინარე პოლიტიკურ მოვლენაზე იყო კონცენტრირებული. "კონფერენცია გაიმართა ადგილობრივი თვითმმართველობის არჩევნების მეორე დღეს, როდესაც საზოგადოების მთელი ყურადღება ამ პოლიტიკურ მოვლენაზე იყო კონცენტრირებული. მსგავსად წინა შემთხვევებისა, ამ კონფერენციის გამართვამდეც საზოგადოებისთვის არ ყოფილა ცნობილი ინფორმაცია სავარაუდო კანდ...
„სამართლიანი არჩევნების“ დავირვებით, ტექნიკური ადმინისტრირების თვალსაზრისით, არჩევნების დღე ძირითადად კანონით დადგენილი წესების შესაბამისად წარიმართა. თუმცა, არჩევნების დღეს გამოვლენილი პირთა საეჭვო შეკრებების, ამომრჩეველთა სავარაუდო მოსყიდვის, მობილიზებისა და აღრიცხვის ფაქტები ნეგატიურად აისახა ამომრჩევლის თავისუფალი ნების გამოვლენაზე, რასაც ზოგიერთ მუნიციპალიტეტში, მცირე სხვაობის პირობებში, შესაძლოა შედეგებზე ზეგავლენა მოეხდინა. ISFED-ის ანგარიშით, კენჭისყრის პროცესის დროს განსაკუთრებით საგულისხმო იყო მარკირების მქონე პირთა მიერ ხმის მიცემის, კენჭისყრაში განმეორებით მონაწილეობისა და მარკირების შემოწმების/გაკეთების პროცედურების დარღვევების ფაქტები. ასე...
