„თეგეტა აკადემიაში“, პროექტის „თეგეტა ქალებისთვის“ ფარგლებში, მოსწავლე მექანიკოსების მოსამზადებელი პროგრამა დაიწყო. პროექტი შესაძლებლობას აძლევს სფეროთი დაინტერესებულ ქალებს, უსასყიდლოდ გაიარონ თეორიული და პრაქტიკული სწავლება და დაეუფლონ ახალ პროფესიას. 117-მდე კანდიდატიდან გასაუბრების საფუძველზე შერჩეულმა 8 სტუდენტმა აკადემიაში სწავლა 19 აგვისტოს დაიწყო. მათ სწავლის დაწყება „თეგეტა ჰოლდინგის“ აღმასრულებელი ოფიცრის მოვალეობის შემსრულებელმა, ეკატერინე ქავთარაძემ და მენეჯმენტის წარმომადგენლებმა მიულოცეს.   პროექტის მონაწილეები ავტომობილის ზოგადი აგებულების  თეორიული კურსის გავლის შემდეგ გამოცდილი მენტორების დახმარებით მათთვის საინტერესო ...

მომავალი დღეების განმავლობაში როგორც დასავლეთ, ასევე, აღმოსავლეთ საქართველოს ტერიტორიაზე, მოსალოდნელია ტემპერატურის მატება. რის გამოც, ტყისა და მინდვრის ხანძრების გაჩენის რისკი იზრდება. ამის შესახებ ინფორმაციას საგანგებო სიტუაციების მართვის სამსახური ავრცელებს. სამსახურის ცნობით, საგანგებო სიტუაციების მართვის სამსახური მოგიწოდებთ, გამოიჩინოთ მაღალი სამოქალაქო პასუხისმგებლობა, არ დაანთოთ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვოთ ცეცხლის კერები უყურადღებოდ.  "ასევე, გასათვალისწინებელია, რომ საყოფაცხოვრებო ნარჩენებს თვითაალება შეუძლიათ, შესაბამისად ნუ დაანაგვიანებთ გარემოს. დაკვამლიანების ან ცეცხლის შემჩნევის შემთხვევაში კი დაუყოვნებ...

გარემოს ეროვნული სააგენტო 21-22 საქართველოში მოსალოდნელი ამინდის შესახებ მოსახლეობას აფრთხილებს. სააგენტოს მიერ გავრცელებული ინფორმაციის თანახმად, 21 - 22 აგვისტოს საქართველოს ტერიტორიაზე მოსალოდნელია ჰაერის ტემპერატურის მომატება. "დასავლეთ საქართველოს დაბლობში ჰაერის ტემპერატურამ შესაძლებელია 37-39 გრადუსს გადააჭარბოს, ხოლო მთიან რაიონებში 35-37 გრადუსს მიაღწიოს.  აღმოსავლეთ საქართველოში ჰაერის მაქსიმალური ტემპერატურა 33-38 გრადუსის ფარგლებშია მოსალოდნელი.  ჰაერის მოსალოდნელი  მაღალი ტემპერატურა ტყის ხანძრების ერთ-ერთ ხელშემწყობ პირობას წარმოადგენს. (საფრთხის დონე საშუალო)",- ნათქვამია ინფორმაციაში.

საქართველოს პარლამენტის არჩევნებისთვის პოლიტიკური პარტიების ნაწილის რეგისტრაციის პროცესი დასრულდა. ამის შესახებ ინფორმაციას საქართველოს საარჩევნო ადმინისტრაცია ავრცელებს. ადმინისტრაციის ცნობით,  საუბარია იმ პარტიებზე, რომლებსაც არჩევნების დანიშვნის დროისთვის არ ჰყავდათ მათი წარდგენით არჩეული პარლამენტის წევრები და კანონი რეგისტრაციისთვის 25 000 მხარდამჭერის ხელმოწერის წარმოდგენას ავალდებულებდა. "აღნიშნული პარტიებისთვის ცესკოსთვის მომართვის ვადა 15 ივლისს ამოიწურა და საერთო ჯამში უწყებას რეგისტრაციისთვის 30-მა პოლიტიკურმა პარტიამ მომართა. მომართვების შედეგად, 30 პოლიტიკური პარტიიდან არ განხილულა 2-ის განაცხადი (ერთ შემთხვევაში საჯარო რეესტრის გადაწყვეტილებით პარტიის რეგი...

გერმანულმა უმსხვილესმა საავტომობილო ბრენდმა MAN Truck & Bus-მა კიდევ ერთი საერთაშორისო აღიარება მოიპოვა - კომპანიამ EcoVadis-ის მდგრადობის რეიტინგში მოწინავე პოზიცია დაიკავა და ოქროს მედალი დაიმსახურა. MAN Truck & Bus-მა ყველაზე მაღალი ქულა გარემოს დაცვის კატეგორიაში მიიღო. 2023 წლის მონაცემებით, MAN-ის სატვირთო ავტომობილებში გამონაბოლქვის დონე 51.2%-ითაა შემცირებული. EcoVadis-ის რეიტინგით, რომელიც კორპორაციული მდგრადობის რეიტინგების გლობალური სტანდარტია, მსოფლიოს მასშტაბით, უკვე 125 000-ზე მეტი კომპანია შეფასდა. ოთხი ძირითადი მიმართულებიდან - გარემოს დაცვა, ადამიანის უფლებები, ეთიკა და მდგრადი შესყიდვები - MAN Truck & Bus-ს უმაღლესი ქულა (80) მდგრადობის ნაწილში მიენიჭა. მნ...

"საქართველოს რკინიგზის" ხელმძღვანელობამ, ქალაქ სოფიაში, ქართულ სანაოსნო კომპანია "საზღვაო ხაზი ე60” და ბულგარეთის რკინიგზასთან შეხვედრა გამართა. ამის შესახებ ინფორმაციას "საქართველოს რკინიგზა" ავრცელებს. "საქართველოს რკინიგზის" ცნობით, ოფიციალური ვიზიტის ფარგლებში, მხარეებს შორის, სარკინიგზო საბორნე მიმოსვლის განახლების შესახებ ხელშეკრულება გაფორმდა. საბორნე მიმოსვლის აღსადგენად, მოსამზადებელი სამუშაოები წლის დასაწყისიდან მიმდინარეობს. "მხარეებმა,  სარკინიგზო ბორანის გამართული ფუნქციონირების აღსადგენად, ურთიერთთანამშრომლობის ყველა პირობა შეათანხმეს. საბორნე მიმოსვლა საქართველოს პორტებსა და ბულგარეთის პორტ "ვარნას...

ჩოხატაურში, ბახმაროსკენ მიმავალ გზაზე ავტოსაგზაო შემთხვევა მოხდა, რასაც მოტოციკლის მძღოლი ემსხვერპლა. ამის შესახებ ინფორმაციას "გურიანიუსი" ავრცელებს. მედიის ცნობით, პირი, რომელიც მოტოციკლით გადაადგილდებოდა, ელექტროგადამცემ ბოძს შეეჯახა.  ადგილზე მისულ სასწრაფო სამედიცნო დახმარების ჯგუფს მოტოციკლის მძღოლი გარდაცვლილი დახვდა.

თავდაცვის სამინისტროს ინიციატივით, თუშეთში, აბანოს უღელტეხილზე საქართველოს ეროვნული გმირის გიორგი ანწუხელიძის მემორიალური სვეტი გაიხსნა. ამის შესახებ ინფორმაციას თავდაცვის სამინისტრო ავრცელებს. უწყების ცნობით, ღონისძიებას თავდაცვის ძალების მეთაურის მოადგილე, ბრიგადის გენერალი ირაკლი ჭიჭინაძე, თავდაცვის ძალების მთავარი სერჟანტი გიორგი გოგოჭური, ეროვნული გმირის ოჯახის წევრები და თავდაცვის ძალების წარმომადგენლები დაესწრნენ. სამინისტროს ინფორმაციით, მათ მემორიალურ სვეტთან კიდევ ერთხელ გაიხსენეს გიორგი ანწუხელიძის გმირობა და პატივი მიაგეს მის ხსოვნას. 

26 ოქტომბრის არჩევნებისთვის მზადების პროცესი აქტიურ ფაზაშია და საარჩევნო ადმინისტრაცია ამ მიზნით სხვადასხვა აქტივობებს ახორციელებს. სწორედ ამ არჩევნების ორგანიზებასთან დაკავშირებული მნიშვნელოვანი საკითხები განიხილეს ცესკოში 16 აგვისტოს გამართულ სხდომაზე, რომელზეც კომისიის ზოგიერთი წევრის მხრიდან საარჩევნო გარემოს დამაზიანებელი, მანიპულაციური განცხადებები და შეფასებები გაკეთდა. ამის შესახებ ინფორმაციას ცენტრალური საარჩევნო კომისია ავრცელებს. ცესკოს ცნობით, საქმე ეხება მიმდინარე ინფრასტრუქტურული პროექტის ფარგლებში ცესკოს მიმდებარე ტერიტორიის ნაწილზე ახალი ღობეების ინსტალაციის საკითხს. აღნიშნული პროექტის შედეგად მოეწყო სასაწყობე ინფრასტრუქტურა და სხდომათა დარბაზი, რეაბილიტაცია გაეწია...

გელათის რეაბილიტაციის კომიტეტი გელათის ღვთისმშობლის შობის სახელობის ტაძრის სამუშაოებთან და ვადების გადაწევასთან დაკავშირებით განცხადებას ავრცელებს.  როგორც განცხადებაშია აღნიშნული, "კომიტეტის მხრიდან მონასტრის გახსნაზე შეზღუდვა მოხსნილია და რჩება რა მონასტერი კვლავ დახურულ რეჟიმში, ეს ადგილობრივი ეპარქიის - მაღალყოვლადუსამღვდელოესი იოანეს გადაწყვეტილებაა, მონასტრის შიდა ცხოვრებიდან გამომდინარე". როგორც ცნობილია, გელათის ღვთისმშობლის შობის სახელობის ტაძრის (მთავარი ტაძრის) მულტიდისციპლინური კვლევითი და საკონსერვაციო სამუშაოების განსახორციელებლად, მიმდინარე ეტაპზე, გელათის რეაბილიტაციის დროებითი კომიტეტის მიერ, გარე ხარაჩოების მოწყობისა და ტაძრის მკლავები...

გლდანში, სავაჭრო ცენტრ „მარიამის“ სახურავზე ხანძარი ლიკვიდირებულია. როგორც შინაგან საქმეთა სამინისტროს საგანგებო სიტუაციების მართვის სამსახურში აცხადებენ, მომხდარის შედეგად არავინ დაშავებულა. ცეცხლის გამომწვევი მიზეზი ამ ეტაპზე უცნობია. 

გლდანში ხანძარია - ცეცხლი სავაჭრო ცენტრ "მარიამის" სახურავს უკიდია. აღნიშნულ ინფორმაციას შინაგან საქმეთა სამინისტროს საგანგებო სიტუაციების მართვის სამსახური ადასტურებს. როგორც უწყებაში აცხადებენ, ადგილზე მობილიზებულია სახანძრო-სამაშველო სამსახური და ცეცხლის ქრობის პროცესი მიმდინარეობს.

ცენტრალურმა საარჩევნო კომისიამ (ცესკო) დღევანდელ სხდომაზე 2024 წლის 26 ოქტომბრის პარლამენტის არჩევნებისთვის საარჩევნო სუბიექტების რიგითი ნომრები განსაზღვრა. ამის შესახებ ინფორმაციას საქართველოს საარჩევნო ადმინისტრაცია ავრცელებს. ადმინისტრაციის ცნობით, არჩევნებისთვის მზადების პროცესში საარჩევნო სუბიექტებისთვის თანაბარი საარჩევნო გარემოს ხელშეწყობის მიზნით, კანონმდებლობით შესაძლებელი უადრესი ვადის გათვალისწინებით, საარჩევნო სუბიექტების რიგითი ნომრის განსაზღვრის მიზნით წილისყრის პროცედურა დღევანდელ სხდომაზე გაიმართა. “აღსანიშნავია, რომ რიგითი ნომრების განაწილების პროცესი  ლაივ რეჟიმში გადაიცემოდა და ყველა დაინტერესებულ პირს ჰქონდა შესაძლებლობა თვალყური ედევნებინა ა...

„საერთაშორისო გამჭვირვალობა - საქართველო” (TI) ქალაქ ქუთაისის მუნიციპალიტეტის საკრებულოს 2023 წელს გაწეულ საქმიანობას აფასებს. როგორც არასამთავრობო ორგანიზაცია აღნიშნავს, ანგარიში ეფუძნება საკრებულოდან გამოთხოვილ, საკრებულოს ოფიციალურ ვებგვერდზე არსებულ ინფორმაციასა და ორგანიზაციის დაკვირვებებს.  როგორც ანგარიშშია აღნიშნული, საანგარიშო პერიოდში შრომის ანაზღაურებაზე 1 521 640 ლარი დაიხარჯა; სახელფასო დანამატის, პრემიისა და დახმარების სახით საკრებულოს აპარატის თანამშრომლებმა და შტატგარეშე მოსამსახურეებმა ჯამში 49 024  ლარი მიიღეს. "ორგანიზაციის ძირითადი მიგნებები: ქუთაისის საკრებულო საანგარიშო პერიოდში მერიასა და მუნიციპალიტეტის მიერ დაფუძ...

ზაფხული - მოგზაურობის დროა. ახალი ადგილების მონახულება გვავსებს შთაბეჭდილებებით, ახალი ფიქრებითა და გრძნობებით. ეს ავტომატურად გვიჩენს სურვილს, გავუზიაროთ ნანახი სამშობლოში მყოფ მეგობრებსა და ოჯახის წევრებს ფოტოების, ვიდეოების, ხმოვანი თუ წერილობითი შეტყობინებების მეშვეობით. ამისთვის კი ბევრი ინტერნეტია საჭირო. "სელფი მობაილის" საუცხოო როუმინგით, შეგიძლია აღარ იფიქრო მეგაბაიტების რაოდენობაზე. "სელფის" როუმინგის შეთავაზებაში იმდენი ინტერნეტია და იმდენად ხელმისაწვდომი, რომ თამამად გაუზიარებ ახლობლებს ყველა შთაბეჭდილებას, ჩვეულებრივ თუ არაჩვეულებრივ ამბავს და ემოციას. “გააზიარე რამდენიც გინდა”! "სელფი მობაილის" საუცხოო როუმი...

პირველ საათზე, დღეს შემატყობინეს, რომ საღამოს რვა საათზე იქნებოდა მიღება, დახვედრა ოლიმპიელების და თურმე, დაჯილდოება - მე მაქვს სერიოზული ორი მიზეზი, რატომაც არ შეიძლება დღეს მათი ასე სასწრაფოდ დაჯილდოება,- ამის შესახებ საქართველოს პრეზიდენტმა, სალომე ზურაბიშვილმა განაცხადა. როგორც პრეზიდენტმა ცოტა ხნის წინ ორბელიანების სასახლეში გამართულ საგანგებო ბრიფინგზე აღნიშნა, "ეს არის სერიოზული საქმე და არა, აჩქარებულ ტემპში გასაკეთებელი", და ამიტომ, აპირებს, რომ სახალხო ზეიმი მოაწყოს. ამასთან ზურაბიშვილის თქმით, ახლა იწყება პარაოლიმპიადა, რომელიც 8 სექტემბრამდე გრძელდება და ოლიმპიელებისა და პარაოლიმპიელების დაბრუნების ცალ-ცაკლე აღნიშვნა დისკრიმინაციული იქნება. "პირველ საათ...

ლევან სამხარაულის სახელობის სასამართლო ექსპერტიზის ეროვნულ ბიუროს გიორგი თვაური უხელმძღვანელებს. ამის შესახებ ინფორმაციას მთავრობის ადმინისტრაცია ავრცელებს. ადმინისტრაციის ცნობით, სასამართლო ექსპერტიზის ეროვნული ბიუროს ახალ ხელმძღვანელს დღეს პრემიერ-მინისტრი ირაკლი კობახიძე შეხვდა და მომავალ საქმიანობაში წარმატებები უსურვა. "გიორგი თვაური ლევან სამხარაულის სახელობის სასამართლო ექსპერტიზის ეროვნული ბიუროს ხელმძღვანელის პოზიციას 2012-2019 წლებშიც იკავებდა. სხვადასხვა დროს ის იყო ასევე საქართველოს შინაგან საქმეთა სამინისტროს გენერალური ინსპექციის უფროსის მოადგილე; საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს პრობაციის ეროვნული სააგენტოს დირ...

საქართველოს ძალოსანთა ნაკრებმა მთავარი მწვრთნელის, გიორგი ასანიძის ხელმძღვანელობით  ოლიმპიურ თამაშებზე  გუნდური პირველი ადგილი დაიკავა. ამის შესახებ ინფორმაციას საქართველოს ძალოსნობის ეროვნული ფედერაცია სოციალურ ქსელში ავრცელებს. მათივე ცნობით, ძალოსანთა ოლიმპიური გუნდი სამშობლოში უკვე დაბრუნდა. ძალოსნებს აეროპორტში გულშემატკივრები, ფედერაციის წარმომადგენლები და ოჯახის წევრები დახვდნენ. 

ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი შაორის ბანაკის მონაწილე ახალგაზრდებს შეხვდა. ამის შესახებ ინფორმაციას საქართველოს საარჩევნო ადმინისტრაცია ავრცელებს. მათი ცნობით, გიორგი კალანდარიშვილმა შეხვედრის მონაწილეებთან არჩევნებსა და ამ პროცესში ახალგაზრდების ჩართულობის, ასევე საარჩევნო საკითხებთან დაკავშირებით ახალგაზრდების ინფორმირებულობის მნიშვნელობაზე ისაუბრა. "გარდა ამისა, ცესკოს თავმჯდომარემ ახალგაზრდებს ინფორმაცია მიაწოდა საარჩევნო სიახლეების, 26 ოქტომბრის არჩევნებისთვის მზადების, ელექტრონული ტექნოლოგიების დანერგვის, ელექტრონულ არჩევნებთან დაკავშირებით არსებული მითების და რეალობის შესახებ, ასევე საარჩევნო პროცესში ტექნოლოგიების გამოყენებასთან...

ჩვენი საამაყო სპორტსმენების წარმატების დასაფასებლად, მივიღეთ გადაწყვეტილება ოლიმპიადის ყველა პრიზიორის უმაღლეს სახელმწიფო ჯილდოებზე წარდგენის შესახებ,- ამის შესახებ ნათქვამია პრემიერ-მინისტრ ირაკლი კობახიძისა და პარლამენტის თავმჯდომარე შალვა პაპუაშვილის ერთობლივ განცხადებაში. განცხადების თანახმად, წმინდა გიორგის სახელობის გამარჯვების ორდენზე წარდგენილი არიან ოლიმპიური ჩემპიონები: ლაშა ტალახაძე, ლაშა ბექაური, გენო პეტრიაშვილი; ღირსების ორდენზე წარდგენილი არიან ოლიმპიური პრიზიორები: ტატო გრიგალაშვილი, ილია სულამანიძე, გივი მაჭარაშვილი, ლაშა გურული. "საქართველოს ოლიმპიურმა ნაკრებმა დაასრულა გამოსვლა ოლიმპიურ თამაშებზე. პარიზის ოლიმპიადაზე ქართველმა სპორტსმენებმა მოიპოვეს 3 ოქროს, ...