"საქართველოს ფოსტის" თანამშრომლები სისხლის უანგარო დონაციის აქციაში ჩაერთვნენ. 15 ივნისს, სისხლის დონორთა საერთაშორისო დღესთან დაკავშირებით, ჰემატოლოგიისა და ტრანსფუზიოლოგიის ინსტიტუტის სისხლის ბანკში სისხლის მარაგების შევსების მიზნით გაიმართა უანგარო დონორთა აქცია "თქვენ დღეს სიცოცხლე გადაარჩინეთ". დონაციის აქციის დროს გაღებული სისხლით მოხდება საქართველოს სხვადასხვა სამკურნალო დაწესებულებების უსაფრთხო სისხლით უზრუნველყოფა.
ავტობანზე კომპანია "მეტროს" სამგზავრო ავტობუსი დაიწვა. მომხდარის შედეგად არავინ დაშავებულა. შემთხვევა წუხელ აღაიანის მონაკვეთზე მოხდა. ადგილზე მობილიზებული იყო სახანძრო-სამაშველო და საპატრულო პოლიციის ჯგუფები. ამ დროისთვის უცნობია, რა გახდა სატრანსპორტო საშუალების აალების მიზეზი. მომხდარზე დაწყებულია გამოძიება.
სოციალურ ქსელში ვრცელდება ვიდეო კადრები თუ როგორ დაესხა თავს მოქალაქე აჭარის ტელევიზიის ჟურნალისტს, კობა ფარტენაძეს. როგორც კობა ფარტენაძემ აღნიშნა, როდესაც დილის გადაცემა დასრულდა მას დაცვამ შეატყობინა, რომ გარეთ სტუმარი ელოდებოდა, ხოლო როდესაც ის გარეთ გავიდა მას მოქალაქე თავს დაესხა. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
მაღალი გაფრქვევების მქონე ავტომობილების შემოყვანის შეზღუდვის გზით, გამონაბოლქვის შემცირებისკენ მიმართული რეგულაციების დადგენა, ქალაქში ატმოსფერული ჰაერის დაბინძურებას შეუშლის ხელს, - ამის შესახებ დედაქალაქის მერმა, კახა კალაძემ განაცხადა. მუნიციპალიტეტის მთავრობის სხდომაზე თბილისის მერი საქართველოს პრემიერ-მინისტრის ინიციატივას გამოეხმაურა, რომელიც 2024 წლის 1-ელი იანვრიდან ავტომობილებისთვის გამონაბოლქვის ევრო 5 სტანდარტის შესაბამისი ზღვრული ნორმების დაწესებას ეხება. „ცხადია, ძალიან დიდ პრობლემას წარმოადგენს დედაქალაქში მომრავლებული კერძო ავტომობილები. სტატისტიკას გეტყვით: 2012 წლამდე თბილისში, პიკის საათებში, დაახლოებით, 180 000 კერძო ავტომობილი გადაადგილდებოდა. დღეის მონაცემ...
„საქართველოს ფოსტასა“ და ივანე ჯავახიშვილის სახელობის თბილისის სახელმწიფო უნივერსიტეტს შორის ურთიერთთანამშრომლობის მემორანდუმს მოეწერა აღნიშნულის შესახებ ინფორმაციას „საქართველოს ფოსტა“ ავრცელებს. მათი ცნობით, მემორანდუმი მიზნად ისახავს „მედეა ღამბაშიძე–პირველი ქართველი სტუდენტი ქალბატონის წიგნი-ალბომის გამოცემას. „მნიშვნელოვანია, რომ გამოცემას თან უნიკალური ფოტოები და წერილები დაერთვება, რომელიც დღემდე საოჯახო ალბომშია დაცული და საზოგადოება მათ პირველად იხილავს. მემორანდუმს ხელი „საქართველოს ფოსტის“ გენერალურმა დირექტორმა, ლევან ჩიკვაიძემ და ივანე ჯავახიშვილის სახელობის თბილისის სახელმწიფო უნივერსიტეტის რექტორმა, ჯაბა სამუშია...
თბილისის მეტროს პირველ ხაზზე შეფერხება აღმოიფხვრა. როგორც "ინტერექსპრესნიუსს" სატრანსპორტო კომპანიაში განუცხადეს, მეტროს პირველ ხაზზე მოძრაობა სრულად აღდგა. 300 არაგველიდან ვარკეთილამდე მოძრაობა ტექნიკური მიზეზის გამო დროებით შეჩერებული იყო.
ვმუშაობთ კანონპროექტზე, რომლის მიხედვითაც სუროგაცია მხოლოდ საქართველოს მოქალაქეებისთვის იქნება დაშვებული, - ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა. როგორც პრემიერ-მინისტრმა აღნიშნა, დემოგრაფიის საკითხებზე მომუშავე საბჭოზე ერთ-ერთი პრობლემური საკითხი რაც გამოიკვეთა, სუროგაცია და მასთან დაკავშირებული პრობლემებია, უცხოეთის მოქალაქეებს ბიზნესად აქვთ ქცეული ეს საკითხი და ამ საკითხზე არავითარი რეგულაცია არ არსებობს. ირაკლი ღარიბაშვილის თქმით, ისეთ მაღალგანვითარებულ ქვეყნებში, როგორებიცაა საფრანგეთი, გერმანია, ესპანეთი, შვეიცარია, შვედეთი, ფინეთი, იტალია, ლიტვა, ესტონეთი, სუროგაცია სრულად არის აკრძალული, ბელგიაში, გაერთიანებულ სამე...
სახალხო დამცველი ლევან იოსელიანი "ორიენტაციის არევასთან" დაკავშირებით "ქართული ოცნების" თავმჯდომარის, ირაკლი კობახიძის განცხადებებს ეხმაურება. როგორც ომბუდსმენმა მედიის წარმომადგენლებს უთხრა, ადამიანის ორიენტაციაზე მინიშნება მიუღებელია. "მე, ზოგადად, ყოველთვის ვაფიქსირებ და ახლაც დავაფიქსირებ, რომ ნებისმიერი მინიშნება ადამიანის ორინტაციაზე ჩემთვის არის მიუღებელი, ვინაიდან ეს არის დაცული საქართველოს კონსტიტუციით, ეს არის დაცული საქართველოს კანონმდებლობით",- ამბობს იოსელიანი. შეგახსენებთ, 10 ივნისს "ქართული ოცნების" თავმჯდომარეს, ირაკლი კობახიძეს ივანე ჯავახიშვილის სახელმწიფო უნივერსიტეტში რამდენიმე სტუდენტმა რუსული რუბლები კი...
5 წლის გოგონა, რომელიც ბათუმში საცხოვრებელი კორპუსიდან გადმოვარდა, გარდაიცვალა. აღნიშნულ ინფორმაციას ბათუმის საერთაშორისო ჰოსპიტალში ადასტურებენ. კლინიკაში აცხადებენ, რომ გოგონა წუხელ გარდაიცვალა. შემთხვევა ბათუმში გუშინ, 11 ივნისს მოხდა. არასრულწლოვანი საცხოვრებელი კორპუსიდან გადმოვარდა და მანქანას დაეცა.
მოლდოვური ავიაკომპანია FLYONE კიშინიოვი-თბილისის მიმართულებით ფრენებს იწყებს. სამოქალაქო ავიაციის სააგენტოს ცნობით, ფრენები 20 ივნისიდან ყოველდღე შესრულდება. სააგენტომ ამ მიმართულებით ოპერირების ნებართვა ავიაკომპანიას 8 ივნისს მიანიჭა.
მარნეულის სამხედრო ნაწილში რამდენიმე საათის წინ, გასროლის შედეგად ახალწვეული იუსიფ ნასიბოვი (დაბადებული 2005 წელს) გარდაიცვალა. გარდაცვალების ფაქტზე საქართველოს თავდაცვის სამინისტროს სამხედრო პოლიციის დეპარტამენტმა გამოძიება სისხლის სამართლის 115-ე მუხლის 1-ლი ნაწილით დაიწყო, რაც ადამიანის თვითმკვლელობამდე მიყვანას გულისხმობს. თავდაცვის სამინისტროს ცნობით საქმეზე ჩატარებული გამოძიებით დადგინდა, რომ აღნიშნული სამხედრო მოსამსახურე სადღეღამისო განწესში იმყოფებოდა, მასზედ მიმაგრებული საშტატო იარაღით. გასროლის ხმის გამო მოხდა საგუშაგოს შემოწმება და ნაპოვნი იქნა გარდაცვლილი ი.ნასიბოვი. "პირველადი მონაცემებით გარდაცვლილმა ნიკაპის არეში მიბჯენით გაისროლა ...
უკრაინაში კიდევ ერთი ქართველი მებრძოლი, ზურაბ მუშუქია დაიღუპა. შემთხვევა ბოგდანოვკაში გუშინ მოხდა, აფეთქებას ქართველი მებრძოლთან ერთად 5 უკრაინელი მებრძოლი ემსხვერპლა. ქართველი მებრძოლის ცხედარი ფრონტის წინა ხაზიდან გადმოსვენებული ამ დრომდე არ არის. ზურაბ მუშუქია აფხაზეთისა და აგვისტოს ომშიც იბრძოდა. ცნობისთვის, ზურაბ მუშუქია 46-ე ქართველი მებრძოლია, რომელიც უკრაინაში რუსეთის ომს შეეწირა.
9 ივნისს, რესტორან "ბინა N37"-ში, სლოგანით "სიკეთე იწყება შენით!" საქველმოქმედო საღამო გაიმართება. აღნიშნულ ინფორმაციას საქართველოში უკრაინის საელჩო ავრცელებს. საელჩოს ცნობით, საქველმოქმედო საღამო მიზნად ნინო ქათამაძის ფონდის საქმიანობის მხარდასაჭერად რესურსების მობილიზებას ისახავს. "ფონდი ზრუნავს 70-ამდე ბავშვზე, ლტოლვილებზე, ძირითადად, უკრაინის აღმოსავლეთიდან და სამხრეთიდან. ფონდი უზრუნველყოფს მათ ფსიქოლოგიურ მხარდაჭერას, აწყობს მასტერკლასებს, ხელს უწყობს ნიჭიერი ბავშვების განვითარებას - მუსიკა, სახვითი ხელოვნება; ბავშვებს უტარდებათ სამედიცინო ოპერაციები და ა.შ. საღამო მოიცავს გასართობ პროგრამას, მათ შორისაა ნინო ქათამაძის სიმღერების შესრულება, მის...
საქართველოში მიწისძვრა მოხდა. სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი ქალაქი თიანეთის ჩრდილო-აღმოსავლეთით მდებარე სოფელ უკანაფშავში იყო. მიწისძვრის სიმძლავრემ 3.6 მაგნიტუდა (ML) შეადგინა. ნგრევის შესახებ ინფორმაცია არ გავრცელებულა. შეგახსენებთ, სოფელ უკანაფშავში მიწისძვრა გუშინ, 6 ივნისსაც მოხდა. მიწისძვრის სიმძლავრემ 3.9 მაგნიტუდა (ML) შეადგინა.
მიმდინარე წლის 6 - 8 ივნისს, იაპონიაში, ქალაქ ტოკიოში, "მსოფლიო საფოსტო კავშირისა" (Universal Postal Union) და "მსოფლიო საბაჟო ორგანიზაციის" (World Customs Organization) გლობალური კონფერენცია მიმდინარეობს, რომელზეც „საქართველოს ფოსტის" გენერალური დირექტორი ლევან ჩიკვაიძე პრეზენტაციით წარსდგება. "საქართველოს ფოსტის" ცნობით, კონფერენციის თემა გახლავთ „ქვეყანაში შემავალი ელექტრონული კომერციის გამოწვევები და შესაძლებლობები საფოსტო და საბაჟო დარგების თანამშრომლობისას". აღნიშნულ კონფერენციას ესწრებიან საფოსტო და საბაჟო დარგის წარმომადგენლები მსოფლიოს სხვადასხვა ქვეყნიდან.
2020 წლიდან მოყოლებული, მედიის წარმომადგენლებზე ძალადობის მინიმუმ 120 შემთხვევა დავთვალეთ. ამის შესახებ "საერთაშორისო გამჭვირვალობა საქართველოს" (TI) 2022 წლის შემაჯამებელი ანგარიშშია ნათქვამი. როგორც TI-ის ანგარიშშია ნათქვამი, მედია გარემოს გაუარესებამ 2020 წლის საპარლამენტო არჩევნების შემდეგ შეუქცევადი ხასიათი მიიღო, ვინაიდან ჟურნალისტურ საქმიანობაში ხელის შეშლის საქმეებზე ეფექტური გამოძიების არ ქონა კიდევ უფრო ამწვავებს და ახალისებს მათზე თავდასხმის შემთხვევებს იმ ფონზე, "როცა გრძელდება ხელისუფლების წარმომადგენელთა აგრესიული და დამამცირებელი განცხადებები კრიტიკული მედიის მისამართით". ანგარიშში ასევე საუბარია 2021 წლის 5-6 ივლისის მოვლენებზეც, რა...
"ლიბერთის" მხარდაჭერით, მზიურის სოციალური კაფე, ერთი თვის განმავლობაში, ბავშვების საგანმამათლებლო პროექტს უმასპინძლებს. ,,მზიურმცოდნე" ბავშვებისთვის სხვადასხვა მიმართულებით შემეცნებითი გაკვეთილების ჩატარებას ითვალისწინებს. მზიურის პარკის ტერიტორიაზე, კაფე მზიურის სივრცეში, პატარები შესაბამის ცოდნას მიიღებენ ბუნების, ეკოლოგიის, ცხოველებზე ზრუნვისა და ინკლუზიური განათლების შესახებ. ,,კაფე მზიური, მეორე წელია, "ლიბერთის" მხარდაჭერით ვახორციელებთ "მზიურმცოდნეს". ეს არის ჩვენი ერთ-ერთი საბავშვო და საგანმანათლებლო პროექტი, რომლის დასრულების შემდეგ მონაწილე ბავშვები ბუნების, ეკოლოგიის, ცხოველებზე ზრუნვის და ინკლუზიური გარემოს შესახებ მნიშვნ...
საქართველოში ახალი აეროპორტის მშენებლობა იგეგმება. აღნიშნულ საკითხზე პრემიერ-მინისტრმა, ირაკლი ღარიბაშვილმა მთავრობის დღევანდელ სხდომაზე ისაუბრა. პრემიერის განცხადებით, მთავრობის მიზანია, საქართველო რეგიონის საავიაციო ჰაბი გახდეს, დღეს არსებული აეროპორტი კი, არ არის დამაკმაყოფილებლი და ვერ პასუხობს გამოწვევებს. მთავრობის მეთაურის თქმით, აქედან გამომდინარე, აუცილებელია ახალი აეროპორტის მშენებლობა, რომლის ასაშენებლადაც ვაზიანის ყოფილი აეროდრომი შეირჩა. "მინდა ამ დღის მთავარი საკითხი გამოვიტანო განსახილველად, ეს არის ჩვენი, მე ვიტყოდი საკმაოდ ამბიციური გადაწყვეტილება, მაგრამ ვფიქრობ, რომ გვაქვს დღეს ამის საშუალებაც, გამოცდილებაც და რაც მთავარია, მიზანი, რომ გავხდ...
ქართველი ფეხბურთელი ხვიჩა კვარაცხელია სერია A-ს საუკეთესო მოთამაშეა, - ამის შესახებ ინფორმაცია იტალიის ჩემპიონატის ოფიციალურმა გვერდმა გაავრცელა. ხვიჩა კვარაცხელიამ 33 მატჩში შეძლო 12 გოლის და 10 საგოლე გადაცემის მის ანგარიშზე ჩაწერა, რითაც სეზონის განმავლობაში ოქროს ქულები ჩაიწერა. ხვიჩა კვარაცხელია პირველი ქართველი ფეხბურთელია, რომელიც რომელიც ტოპ-5 ლიგაში წლის საუკეთესო მოთამაშედ დაასახელეს. სერია A-ს ნომინაციები შემდეგნაირად გადანაწილდა საუკეთესო მწვრთნელი – ლუჩანო სპალეტი („ნაპოლი“). საუკეთესო 23-წლამდელი მოთამაშე – ნიკოლო ფაჯიოლი („იუვენტუსი“). საუკეთესო მეკარე – ივან პროვედელი („ლაციო&ldquo...
თბილისი პრაიდის კვირეული 1-8 ივლისს გაიმართება. როგორც პრაიდის ორგანიზატორების განცხადებაშია აღნიშნული, წელს თბილისი პრაიდის კვირეული პოლიტიკური, კულტურული და აკედემიური ხასიათის დახურულ ღონისძიებებს მოიცავს, მათ შორის საერთაშორისო ლგბტქი კონფერენციასა და პრაიდის ფესტივალს. "სიყვარულს ვერ დაამარცხებ! თბილისი პრაიდის ყოველწლიური კვირეული 1-8 ივლისს ბრუნდება! ტრადიციულად, ივლისის დასაწყისში ვუერთდებით ღირსებისა და სიამაყის თვეს, რომელიც მთელს მსოფლიოში აღინიშნება. პრაიდის კვირეული ლესბოსელი, გეი, ბისექსუალი, ტრანსგენდერი და ქვიარ ადამიანებისთვის ერთმანეთის დანახვის, გაერთიანების, თავისუფალი თვითგამოხატვისა და საკუთარი უფლებებისთვის ბრძოლის უნიკალური შესაძლებლობაა...
