მსოფლიოში კორონავირუსით ინფიცირებულთა რაოდენობამ 228 მილიონს გადააჭარბა, – ინფორმაციას შესაბამისი პლატფორმა worldmatters-ი აქვეყნებს. სტატისტიკის მიხედვით, მსოფლიოში კორონავირუსისგან გარდაცვლილთა საერთო რიცხვი 4.69 მილიონს აჭარბებს, ამასთანავე, ვირუსისგან გამოჯანმრთელებულთა საერთო რაოდენობა 205 მილიონს აღემატება. მსოფლიოში კორონავირუსით ინფიცირების მაჩვენებლით პირველ ადგილზე ამერიკის შეერთებული შტატებია, მას ინდოეთი მოსდევს. მესამე ადგილს ბრაზილია იკავებს, რომელსაც გაერთიანებული სამეფო და რუსეთი მოსდევენ.
კომუნიკაციების კომისიამ ტელეკომპანია „იმედის" მიმართ პოლიტიკური გაერთიანებების „ევროპული საქართველოს" და „ნაციონალური მოძრაობის" საჩივრები დააკმაყოფილა და „საქართველოს საარჩევნო კოდექსის" დარღვევისთვის მაუწყებელს ორი სამართალდარღვევის ოქმი შეუდგინა. „ევროპული საქართველოს" მიერ წარდგენილ უფასო წინასაარჩევნო რეკლამა ტელეკომპანიამ ეთერში სიძულვილის ენის ტირაჟირების მიზეზით არ განათავსა. „ტელეიმედი" აღნიშნავს, რომ წარდგენილი ვიდეო-რგოლი შეიცავს შეურაცხყოფისა და დაცინვის შემცველ ტექსტს, მისი შინაარსი კი არაეთიკური და არაკეთილსინდისიერია, რაც წარმოადგენს არასათანადო რეკლამას, რომლის განთავსებაც „მაუწყებლობის ...
დაავადებათა კონტროლის ეროვნული ცენტრის ინფორმაციით, საქართველოში კორონავირუსის 2 039 ახალი შემთხვევა გამოვლინდა, გარდაიცვალა 56 პაციენტი. NCDC-ის ცნობით, გასულ დღე-ღამეში საქართველოში კორონავირუსისგან 2 192 პირი გამოჯანმრთელდა. გუშინ საქართველოში 19 148 ტესტი ჩატარდა.
ქართველმა მოჭადრაკემ ნონა გაფრინდაშვილმა ლოს-ანჯელესის ფედერალურ საოლქო სასამართლოში Netflix-ის წინააღმდეგ სარჩელი შეიტანა, - ინფორმაციას The New York Times ავრცელებს. მედიის ინფორმაციით, ნონა გაფრინდაშვილი Netflix-ს უჩივის სერიალის ფინალური ეპიზოდის იმ ნაწილის გამო, რომელშიც მის მიღწევებს პერსონაჟ ბეთ ჰარმონის წარმატებას ადარებენ, კერძოდ, როდესაც ეპიზოდში პერსონაჟი ბეთ ჰარმონი მოსკოვში თამაშობს, მატჩის კომენტატორი ამბობს: „ერთადერთი უჩვეულო რამ მის [ჰარმონის] შესახებ მისი სქესია და ესეც არ არის გასაკვირი რუსეთში... აქ ნონა გაფრინდაშვილია, მაგრამ ის ქალი მსოფლიო ჩემპიონია და არასოდეს უთამაშია კაცთან.” გაფრინდაშვილის 25-გვერდიან სარჩელში ნათქვამია: „ბ...
„ტვ პირველში“ პროკურატურა შევიდა, - აღნიშნულის შესახებ ინფორმაციას ტელეკომპანია თავად ავრცელებს. მათივე ცნობით, საგამოძიებო უწყების წარმომადგენლები ტელევიზიაში იმის დასადგენად მივიდნენ, თუ როდის და ვის მიერ იქნა გამოგზავნილი ბმული, სადდაც სუს-ის საიდუმლო ფაილები იყო ატვირთული. ამასთანავე, ტელეკომპანიის ცნობით, ისინი დათანხმდნენ უწყებას ეჩვენებინათ, როდის და საიდან შევიდა შეტყობინება ტელევიზიის ოფიციაურ „ფეისბუქ“ გვერდზე.
საქართველოში მიწისძვრა მოხდა. დედამიწის შემსწავლელ მეცნიერებათა ინსტიტუტის სეისმური მონიტორინგის ეროვნული ცენტრის ცნობით, დღეს, თბილისის დროით 14:19 საათზე, სოფელ სამებასთან 3.3 (ML) მაგნიტუდის სიდიდის მიწისძვრა მოხდა.
კოალიცია “მედიის ადვოკატირებისთვის” ქარელში მომხდარ ინციდენტს ეხმაურება, სადაც ტელეკომპანია „მთავარის“ ოპერატორი ქართული ოცნების“ საარჩევნო შტაბში მომხდარი ინციდენტის დროს დაშავდა. კოალიცია მომხდარ შემთხვევას მმართველი პარტიის აგრესიული პოლიტიკის შედეგად მიიჩნევს. "გავრცელებული ინფორმაციით, „ქართული ოცნების“ ოფისში აბლოთიამ მენჯ-ბარძაყისა და ნეკნის მოტეხილობა მიიღო და გამოძიება სისხლის სამართლის კოდექსის 124-ე მუხლით დაიწყო, რაც ჯანმრთელობის ნაკლებად მძიმე ან მძიმე, გაუფრთხილებლობით დაზიანებას გულისხმობს. მიგვაჩნია, რომ 2021 წლის 15 სექტემბერს ქარელში მაუწყებლის გადამღები ჯგუფის შეზღუდვა და ოპერატორის დაზიანებ...
დაავადებათა კონტროლის ეროვნული ცენტრის ინფორმაციით, საქართველოში კორონავირუსის 2 176 ახალი შემთხვევა გამოვლინდა, გარდაიცვალა 43 პაციენტი. NCDC-ის ცნობით, გასულ დღე-ღამეში საქართველოში კორონავირუსისგან 2 838 პირი გამოჯანმრთელდა. გუშინ საქართველოში 25 150 ტესტი ჩატარდა.
ქარელში, "მთავარი არხის" ოპერატორი „ქართული ოცნების“ ოფისის მეორე სართულიდან გადმოაგდეს.- ამის შესახებ ინფორმციას „მთავარი არხი „ ავრცელებს. მათივე ცნობით, ოპერატორი ლევან აბლოთია ჟურნალისტ ბექა ყორშასთან ერთად იმყოფებოდა გადაღებაზე, მისი მდგომარეობა მძიმეა და საავადმყოფოშია გადაყვანილი. აღნიშნულ ფაქტს „მთავარი არხის“ გენერალური დირექტორი ნიკა გვარამია საკუთარ ფეისბუქ გვერდზე გამოეხმაურა. გვარამიას განცხადებით, აბლოთია ოცნების წევრებმა გადმოაგდეს მეორე სართულიდან. „მივდივარ ქარელში. ჩემი ჯგუფი გადაღებაზე იყო (ბექა ყორშია და ლევან აბლოთია). ქართული ოცნების შტაბის მეორე სართულიდან, ოცნების წევრებმა გადმოაგდეს ჩვენი...
2015 წლიდან დღემდე, სახელმწიფო უსაფრთხოების სამსახურისთვის ბიუჯეტიდან ჯამში 800 393 700 ლარი დაიხარჯა. ამის შესახებ ინფორმაციას არასამთავრობო ორგანიზაცია "ფლანგვის დეტექტორი" ავრცელებს. "უკანონო ფარული მიყურადება წლებია, აქტუალური პრობლემაა. ჯერ კიდევ 2012 სექტემბერში სხვადასხვა ქსელით გავრცელდა ჩანაწერები, რომელიც მოიცავდა უკანონო ფარული მიყურადებით შეგროვებულ პირადი ცხოვრების ამსახველ მასალას. ჩანაწერები ძირითადად 2003-2012 წლებში უკანონოდ იქნა შეგროვებული სხვადასხვა ძალოვანი უწყების მიერ. გავრცელებული ინფორმაციით, ჩანაწერები მოიცავდა დაახლოებით 29,000-მდე ვიდეო და აუდიო ჩანაწერს. ბოლო 2 თვის განმავლობაში უკანონო მოსმენების შესახებ 2 ჯერ გა...
გარემოს ეროვნული სააგენტოს ინფორმაციით, საქართველოში 16-17 სექტემბერს ამინდი გაუარესდება. მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, ქარის გაძლიერება, ზღვაზე 2-3 ბალიანი ღელვა. მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა - გააქტიურება გამოიწვიოს.
ტოლერანტობის და მრავალფეროვნების ინსტიტუტი 13 სექტემბერს მედიასა და ინტერნეტში გავრცელებული ფარული მოსმენისა და თვალთვალის ფაქტს ეხმაურება. როგორც განცხადებაში ვკითხულობთ, გავრცელებულმა მასალებმა კიდევ ერთხელ აჩვენა, რომ ხელისუფლება, სუს-ის მეშვეობით, აკონტროლებს და უთვალთვალებს საზოგადოების ფაქტობრივად ყველა ჯგუფის წარმომადგენელს. "ხელისუფლების მიერ მოქალაქეების ტოტალური კონტროლი, უკანონო მოსმენა, პირადი ცხოვრების შესახებ მოპოვებული მასალების მოპოვება და დამუშავება არღვევს ადამიანის ფუნდამენტურ უფლებებს, ხელჰყოფს პირადი ცხოვრების ხელშეუვალობას და სახელწიფო ინსტიტუტების სრულ კოლაფსს ავლენს. გავრცელებულმა მასალებმა კიდევ ერთხელ აჩვენა, რომ ხელისუფლება, სუს-ი...
საქართველოს სტატისტიკის ეროვნული სამსახურის ინფორმაციით, 2021 წლის II კვარტალში საქართველოში საშუალო ხელფასი გასულ წელტან შედარებით, 177.9 ლარით გაიზარდა და 1 328.0 ლარი შეადგინა. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში: • საფინანსო და სადაზღვევო საქმიანობები – 2 354.7 ლარი (წინა წლის შესაბამის პერიოდთან შედარებით გაიზარდა 15.4 პროცენტით); • ინფორმაცია და კომუნიკაცია – 2 173.0 (გაიზარდა 12.4 პროცენტით); • მშენებლობა – 2 006.1 ლარი (გაიზარდა 23.7 პროცენტით); • პროფესიული, სამეცნიერო და ტექნიკური საქმიანობები – 1 919.5 ლარი (გაიზარდა 7.4 პროცენტით); 2021 წლის II კვ...
დღეიდან, სკოლებში სწავლა დისტანციურ რეჟიმში განახლდა. წყებათაშორისი საკოორდინაციო საბჭოს გადაწყვეტილებით, სასწავლო პროცესი სკოლებში 4 ოქტომბრამდე დისტანციურ რეჟიმში წარიმართება. “სასწავლო პროცესი სკოლებში 15 სექტემბრიდან 4 ოქტომბრამდე დისტანციურ რეჟიმში განახლდება, ანალოგიური რეგულაცია გავრცელდება უმაღლეს და პროფესიულ სასწავლებლებზე. 4 ოქტომბრამდე შეზღუდული დარჩება სააღმზრდელო დაწესებულებების მუშაობა და ეს ეხება, როგორც სახელმწიფო, ასევე კერძო ბაღებსაც.”, - განაცხადა გიორგი ღიბრაძემ.
დაავადებათა კონტროლის ეროვნული ცენტრის ინფორმაციით, საქართველოში კორონავირუსის 2 515 ახალი შემთხვევა გამოვლინდა, გარდაიცვალა 60 პაციენტი. NCDC-ის ცნობით, გასულ დღე-ღამეში საქართველოში კორონავირუსისგან 2 829 პირი გამოჯანმრთელდა. გუშინ საქართველოში 32 207 ტესტი ჩატარდა.
საქართველოში 3.2 მაგნიტუდის მიწისძვრა დაფიქსირდა. დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრის ცნობით, მიწისძვრა ქალაქ დმანისის დასავლეთით, 25 კილომეტრში, სოფელ სამებასთან მოხდა.
დაავადებათა კონტროლის ეროვნული ცენტრის ინფორმაციით, საქართველოში კორონავირუსის 3 221 ახალი შემთხვევა გამოვლინდა, გარდაიცვალა 54 პაციენტი. NCDC-ის ცნობით, გასულ დღე-ღამეში საქართველოში კორონავირუსისგან 2 990 პირი გამოჯანმრთელდა. გუშინ საქართველოში 37 717 ტესტი ჩატარდა.
საპატრიარქოს საზოგადოებასთან ურთიერთობის ხელმძღვანელი, დეკანოზი ანდრია ჯაღმაიძე სავარაუდოდ, სუს-ის მიერ გავრცელებულ ფარულ აუდიოჩანაწერებთან დაკავშირებით განცხადებას ავრცელებს. როგორც ჯაღმაიძე აღნიშნავს, ძალიან ცუდია, თუ უკანონო მოსმენები სიმართლეა, თუმცა აქვე ამბობს, რომ კომენტრის გაკეთებას არ იჩქარებს. „ძალიან ცუდია თუ სიმართლეა უკანონო მოსმენების შესახებ გავრცელებული ინფორმაცია. ისე ზოგიერთი ტელევიზიიდან ფაბრიკაციებიც ბევრი გვინახავს, ცილისწამებებიც. სამწუხაროდ თავად ტელევიზიებმა შეგვაჩვიეს, რომ ახალი ამბები "იქმნება" და არა უბრალოდ შუქდება. ტყუილის და მართალის შერევით კი ყველაზე საშიში ცილისწამებები იქმნება. ამიტომ კომენტარის გაკეთებას არ ვიჩქარებ»,...
საქართველოს საჯარო სკოლებში დასაქმებული პედაგოგების 36% სრულად, 55% კი, ერთი დოზით არის აცრილი, - აღნიშნულის შესახებ დაავადებათა კონტროლის ეროვნული ცენტრის ხელმძღვანელმა, ამირანნ გამყრელიძემ საკოორდინაციო საბჭოს დასრულების შემდეგ, ბრიფინგზე განაცხადა. გამყრელიძის თქმით, პედაგოგთა აცრის ყველაზე მაღალი მაჩვენებელი, 70% თბილისში ფიქსირდება. „საჯარო სკოლების მთლიანი პერსონალის 55% მინიმუმ ერთი დოზით არის აცრილი, სრულად აცრილია 33%, პედაგოგების მინიმუმ ერთი აცრის საშუალო მაჩვენებელია 58%, საიდანაც სრულად აცრილია 36%, კერძო სკოლების პედაგოგებიდან მინიმუმ ერთი დოზით 64%-ია აცრილი, სრულად კი, 44%, საიდანაც ყველაზე მაღალი მაჩვენებელია თბილისში, 70%“, - განაცხადა გამყრელიძემ.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ამ დროისთვის სტუდენტების მხოლოდ 17%-ია სრულად ვაქცინირებული, რაც საკმაოდ დაბალი მაჩვენებელია. „სამწუხაროდ, ყველაზე უფრო დაბალი მაჩვენებელი გვაქვს სტუდენტებში. 138 ათასამდე სტუდენტია საქართველოში, ბაკალავრები, მაგისტრები და დოქტორანტები, იქ აცრის საშუალო მაჩვენებელი სრულად აცრილების 17% გვაქვს, რაც დაბალია. მოვუწოდებ სტუდენტებს, თუ გვინდა დასწრებული სწავლება იყოს, უფრო აქტიურად ვიყოთ, მაგალითი მივცეთ. სტუდენტებში დაახლოებით 9.5%-ში გვაქვს ინფექცია გადატანილი“,- აღნიშნავს გამყრელიძე.
