შოვში სტიქიის შედეგად დაღუპულთა რიცხვი 21-მდე გაიზარდა. ამის შესახებ შსს-ს საგანგებო სიტუაციების მართვის სამსახურის ხელმძღვანელმა, თემურ მღებრიშვილმა განაცხადა. როგორც მღებრიშვილმა მედიის წარმომადგენლებთან საუბრისას აღნიშნა, ერთი ცხედარი ე.წ. კოტეჯების მიმდებარე ტერიტორიაზე, მეორე კი, მდინარის კალაპოტში აღმოაჩინეს. "დილის შემდეგ შეიცვალა სტატისტიკა. დღეს 2 ცხედრის პოვნა მოხერხდა. ერთი ცხედარი ნანახია უშუალოდ სტიქიის ეპიცენტრში, ე.წ. კოტეჯების მიმდებარე ტერიტორიაზე, მოზარდის ცხედარია. მეორე ცხედარი ნანახია მდინარის კალაპოტში, სტიქიის ეპიცენტრიდან, დაახლოებით, 2 კილომეტრში. ამ დროისთვის არის 21 ცხედარი ნანახი, დარჩენილია 12 ცხედარი, რომლის ძებნაც ამ წუთებშიც ინტენსიურად მიმდინ...

შოვში, სტიქიის ზონაში მაშველებმა კიდევ ერთი ცხედარი იპოვეს. აღნიშნული ინფორმაცია შინაგან საქმეთა სამინისტროს საგანგებო სიტუაციების მართვის სამსახურმა დაადასტურა. ამ დროისთვის არსებული ოფიციალური მონაცემებით, სტიქიის შედეგად დაღუპულთა რიცხვი 20-მდე გაიზარდა.  უწყების ინფორმაციით, შოვში 13 დაკარგულს ეძებენ.

შსს-ს საგანგებო სიტუაციების მართვის სამსახური განცხადებას ავრცელებს და მოქალაქეებს აფრთხილებს, რომ მიმდინარე კვირის განმავლობაში, ქვეყნის მთელ ტერიტორიაზე მოსალოდნელია ჰაერის ტემპერატურის მატება, რა დროსაც განსაკუთრებით იზრდება ტყის ხანძრების რისკი.  უწყება მოქალაქეებს მოუწოდებს, რომ ხანძრის კერის ან დაკვამლიანების შემჩნევის შემთხვევაში, დაუყოვნებლივ დარეკონ 112-ში. "აღნიშნული ინფორმაციის შემცველი მოკლეტექსტური შეტყობინება დაეგზავნებათ მოქალაქეებს", - ნათქვამია უწყების განცხადებაში.

ჩვენი სამშობლო აუცილებლად აღიდგენს ტერიტორიულ მთლიანობას,- ამის შესახებ ნათქვამია სრულიად საქართველოს კათოლიკოს-პატრიარქის, ილია მეორის სპეციალურ მიმართვაში, რომელიც საპატრიარქოს საზოგადოებასთან ურთიერთობის სამსახურმა სოციალურ ქსელში გაავრცელა. როგორც პატრიარქი რუსეთ-საქართველოს 2008 წლის აგვისტოს ომის 15 წლისთავთან დაკავშირებულ მიმართვაში აღნიშნავს, ცხინვალის რეგიონი და აფხაზეთი საქართველოს ძირძველი მიწა და განუყოფელი ნაწილია. "15 წელი გავიდა აგვისტოს ომიდან, რის შემდეგაც, აფხაზეთთან ერთად, უკვე საქართველოს ტერიტორიის 20 პროცენტზე მეტი იქნა ოკუპირებული რუსეთის მიერ. საერთაშორისო დონეზე არაერთხელ განგვიცხადებია და კვლავ გავიმეორებ, რომ ცხინვალის რეგიონიც და აფხაზეთიც ჩვენი ძირძ...

შოვში სტიქიის შედეგად დაღუპულთა რიცხვი 19-მდე გაიზარდა.  აღნიშნული ინფორმაცია შინაგან საქმეთა სამინისტროს საგანგებო სიტუაციების მართვის სამსახურში დაადასტურეს. უწყების ცნობით, მეწყერის ჩამოწოლის შედეგად დაკარგული 16 ადამიანის ძებნის ღონისძიება ამ დრომდე მიმდინარეობს. შეგახსენებთ, რაჭაში, ონის მუნიციპალიტეტის ტერიტორიაზე მდებარე კურორტ შოვში მეწყერი 3 აგვისტოს ჩამოწვა.

რაჭაში ახლახანს მომხდარი სტიქიური უბედურება დიდი განსაცდელია ქვეყნისთვის, მთელი საქართველო, და ჩვენც, ფრიად ვწუხვართ და გულითადად ვუსამძიმრებთ გარდაცვლილთა ოჯახის წევრებსა და ახლობლებს, - ამის შესახებ საქართველოს კათოლიკოს-პატრიარქის, ილია II-ის სამძიმრის წერილშია ნათქვამი. სამძიმრის წერილს "ექსპრესნიუსი" უცვლელად გთავაზობთ :  "რაჭაში ახლახანს მომხდარი სტიქიური უბედურება დიდი განსაცდელია ქვეყნისთვის; მთელი საქართველო, და ჩვენც, ფრიად ვწუხვართ და გულითადად ვუსამძიმრებთ გარდაცვლილთა ოჯახის წევრებსა და ახლობლებს; შოვის ტრაგედიამ ერთხელ კიდევ ყველას შეგვახსენა, რომ არავინ იცის, წუთისოფლიდან გასვლის ჟამი ვის როდის დაუდგება; ამიტომაც ნებისმიერ დროს მზად უნდა ვიყოთ ა...

მინდა კიდევ ერთხელ ჩემი სამძიმარი გამოვხატო შოვში დაღუპულთა ოჯახების მიმართ, მათ ახლობლებს, ნათესავებს, ყველას, მთელს ქვეყანას, საზოგადოებას გამოვუცხადო სამძიმარი,-  ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა. მინისტრთა კაბინეტის წევრებმა წუთიერი დუმილით პატივი მიაგეს გარდაცვლილთა ხსოვნას.  „ნამდვილად საშინელი ტრაგედია მოხდა შოვში, რამაც ძალიან ბევრი ჩვენი მოქალაქის სიცოცხლე შეიწირა. მინდა მინისტრებს გთხოვოთ, რომ წუთიერი დუმილით პატივი მივაგოთ გარდაცვლილთა ნათელ ხსოვნას.  კიდევ ერთხელ მინდა ჩემი და მთავრობის სახელით გამოვხატო ღრმა მწუხარება. ამ საშინელმა ტრაგედიამ, რომელიც დატრიალდა შოვში მთელი საქართველო შეძრ...

გარემოს ეროვნული სააგენტო 3 აგვისტოს რაჭაში განვითარებული მოვლენების შესახებ მომზადებულ წინასწარ დასკვნას აქვეყნებს. აღნიშნული დოკუმენტის თანახმად, 3 აგვისტოს, მდინარე ბუბისწყლის ხეობაში ადგილი ჰქონდა სტიქიური გეოლოგიური და ჰიდრომეტეოროლოგიური მოვლენების (მყინვარის ინტენსიური დნობა, ნალექების მოსვლა წვიმის სახით, სათავეებში კლდეზვავის ჩამოშლა, მეწყრულ-ეროზიული პროცესები და ღვარცოფის გავლა) თანხვედრას, რამაც გამოიწვია ექსტრემალური ხასიათის ღვარცოფული ნაკადის ფორმირება. როგორც დასკვნაშია ნათქვამი, აღნიშნულ პროცესს ხელი შეუწყო ბოლო პერიოდში მომატებულმა ჰაერის ტემპერატურულმა ფონმა, კლიმატის ცვლილებით გამოწვეულმა მყინვარების ინტენსიურმა დნობამ და თანმდევმა ატმოსფერულმა ნალექებმა. &quo...

ონის მუნიციპალიტეტში სამსახურებრივი მოვალეობის შესრულებისას პოლიციელი გარდაიცვალა.  აღნიშნულთან დაკავშირებით შინაგან საქმეთა სამინისტრო განცხადებას ავრცელებს. "შინაგან საქმეთა სამინისტრო ღრმა მწუხარებას გამოთქვამს ამბროლაურის რაიონული საამართველოს საგამოძიებო განყოფილების გამომძიებელის, 1975 წელს დაბადებული მირიან ჭელიძის გარდაცვალების გამო. პოლიციის მაიორი, ონის მუნიციპალიტეტში სამსახურებრივ მოვალეობას ასრულებდა, იგი სტიქიური უბედურების ზონაში მიმდინარე სამაშველო ღონისძიებების ფარგლებში იცავდა საზოგადოებრივ წესრიგს, რა დროსაც შეუძლოდ გახდა და საავადმყოფოში მიყვანამდე გზაში გარდაიცვალა. შინაგან საქმეთა სამინისტრო მირიან ჭელიძის გარდაცვალების გამო, თანაუგრძნობს გარდაც...

საქართველოს თავდაცვის ძალების სამხედრო მოსამსახურეები კურორტ შოვში მიმდინარე სალიკვიდაციო და სამძებრო სამუშაოებს აქტიურად განაგრძობენ. თავდაცვის უწყების ცნობით, სტიქიის ზონაში სამხედრო მოსამსახურეები ორ ლოკაციაზე მუშაობენ. "ადგილზე მობილიზებულია თავდაცვის ძალების მძიმე ტექნიკა და აღჭურვილობა. საჭიროების შემთხვევაში, დამატებითი ტექნიკის მოზიდვა მყისიერად იქნება შესაძლებელი.  სამძებრო-სამაშველო სამუშაოებში ჩართული არიან აღმოსავლეთისა და დასავლეთის სარდლობების სამხედრო მოსამსახურეები, საბრძოლო-საინჟინრო ქვედანაყოფები, ლოჯისტიკური უზრუნველყოფის სარდლობა და ეროვნული გვარდიის მე-10 კადრირებული ბრიგადის 102-ე ტერიტორიული თავდაცვის ბატალიონი.  სამხედრო მოსამსახურეები შს...

საქართველოს სახალხო დამცველი ლევან იოსელიანი 2008 წლის აგვისტოს ომის 15 წლისთავთან დაკავშირებით განცხადებას ავრცელებს. ომბუდსმენი მოუწოდებს საქართველოს ხელისუფლებას, ყველა საერთაშორისო მექანიზმის გამოყენებითა და საერთაშორისო თანამეგობრობის ჩართულობით, გააძლიეროს ზეწოლა საოკუპაციო რეჟიმზე ოკუპირებულ რეგიონებში მცხოვრები ადამიანების უფლებების დასაცავად. "რუსეთ-საქართველოს 2008 წლის აგვისტოს ომიდან 15  წელი გავიდა. შეიარაღებული კონფლიქტის შედეგებს დღემდე მწვავედ განიცდის ოკუპირებულ ტერიტორიაზე დარჩენილი და გამყოფი ხაზის მიმდებარედ მცხოვრები მოსახლეობა. 2008 წლის საომარი მოქმედებების შედეგად 27 582 იძულებით გადაადგილებული პირია რეგისტრირებული. 2008 წლის რუსეთ...

2008 წლის აგვისტოს ომიდან 15 წელი გავიდა. ის საქართველოს უახლესი ისტორიის ყველაზე ტრაგიკულ მოვლენას წარმოადგენს, რომელმაც ქვეყანას უმძიმესი შედეგები მოუტანა. ომის დაწყების ქრონოლოგია 2008 წლის დასაწყისიდან მოვლენები შედარებით მშვიდად ვითარდებოდა. თუმცა, ამის მიუხედავად, ორივე მხარე ერთმანეთს ვითარების დაძაბვის მცდელობაში და პროვოკაციების მოწყობაში პერიოდულად ადანაშაულებდა. ქართულ-რუსული ურთიერთობები 2008 წლის ნატოს სამიტის შემდეგ განსაკუთრებით დაიძაბა. აღნიშნულ სამიტზე, ჩრდილოატლანტიკური ალიანსის წევრმა ქვეყნებმა ერთხმად განაცხადეს, რომ საქართველო ნატოს წევრი სახელმწიფო აუცილებლად გახდებოდა. პარალელურად, მწვავდებოდა ვითარება ცხინვალის რეგიონში. ოს სეპარატისტებსა და ქართ...

შოვში, სტიქიის ზონაში ძებნა-შველის ღონისძიება მთელი ღამის განმავლობაში, სპეციალური განათებებით, უწყვეტ რეჟიმში  მიმდინარეობდა.  შინაგან საქმეთა სამინისტროს ცნობით, დილიდან მუშაობა განაახლა სასაზღვრო პოლიციის ორმა ვერტმფრენმა. "საგანგებო სიტუაციების მართვის სამსახურის მეხანძრე-მაშველები ონის მუნიციპალიტეტში მეხუთე დღეა სამაშველო ღონისძიებას აწარმოებენ. სამუშაოებში ჩართულნი არიან პოლიციის დანაყოფები, საგანგებო სიტუაციების მართვის სამსახურის კინოლოგთა ჯგუფი, თავდაცვის სამინისტროს და ინფრასტრუქტურის სამინისტროს საავტომობილო გზების დეპარტამენტის თანამშრომლები. ადგილზე მუშაობს დრონები და სპეცტექნიკა",- ნათქვამია შსს-ს ინფორმაციაში. შეგახსენებთ, სტი...

საქართველოს პრემიერ-მინისტრის გადაწყვეტილებით, 3 აგვისტოს, ონის მუნიციპალიტეტში, კურორტ შოვში მომხდარი სტიქიური უბედურების შედეგად დაღუპულთა ხსოვნის პატივსაცემად, 7 აგვისტო გლოვის დღედ გამოცხადდა. გლოვის დღესთან დაკავშირებით მთავრობის ადმინისტრაციის შენობასა და საქართველოს მთელ ტერიტორიაზე  სახელმწიფო დროშები დაეშვა. მთავრობის ადმინისტრაციის ცნობით, სახელმწიფო დროშები დაეშვება 8 აგვისტოს 00:00 საათიდან 9 აგვისტოს 00:00 საათამდე საქართველოს აფხაზეთისა და ცხინვალის რეგიონების უკანონო ოკუპაციის მიზნით რუსეთის ფედერაციის მიერ საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნის პატივის მიგების ნიშნად.

რაჭაში, ონის მუნიცაპლიტეტის ტერიტორიაზე მდებარე კურორტ შოვში მომხდარი ტრაგედიის გამო, საქართველოში დღეს გლოვის დღეა. სტიქიური უბედურების შედეგად დაღუპულთა ხსოვნის პატივსაცემად, მთავრობის ადმინისტრაციის შენობასა და საქართველოს მთელ ტერიტორიაზე სახელმწიფო დროშები დაეშვა. სახელმწიფო დროშებია ასევე დაშვებული პარლამენტისა და თავდაცვის სამინისტროს შენობებზე, შინაგან საქმეთა სამინისტროს ყველა ადმინისტრაციულ შენობაზე, საგარეო უწყებისა და საზღვარგარეთ საქართველოს დიპლომატიური წარმომადგენლობების შენობებზე. შეგახსენებთ, შოვში მეწყერი 3 აგვისტოს ჩამოწვა. ბოლო ოფიციალური მონაცემებით, სტიქიას 18 ადამიანი ემსხვერპლა, 15-მდე პირი კი, ამ დრომდე დაკარგულად მიიჩნევა. სტიქიის ეპიცენტრიდან 200-ზ...

შინაგან საქმეთა სამინისტროს საგანგებო სიტუაციების მართვის სამსახურის ხელმძღვანელის, თემურ მღებრიშვილის განცხადებით, შოვში სამძებრო-სამაშველო სამუშაოების არეალი ეტაპობრივად ფართოვდება. როგორც მღებრიშვილმა ჟურნალისტებს უთხრა, დღეს სტიქიის ზონაში აღმოჩენილი ცხედარი მოზარდს ეკუთვნის. "დილიდან მოხერხდა მოზარდის ცხედრის ამოსვენება სტიქიის ზონიდან, გადასვენებულია პროზექტურაში. ამ დროისთვის აქტიურად მიმდინარეობს ისევ ძებნა-შველის ღონისძიებები. ეტაპობრივად ვაფართოვებთ პერიმეტრს.  ე.წ. კოტეჯების ტერიტორიის სრულად დათვალიერება ჯერჯერობით ვერ მოესწრო, სამწუხაროდ, ობიექტური მიზეზების გამო, რაც ხელს გვიშლის - მიწის სქელა მასა. ვმუშაობთ ფრთხილად და არ ვჩქარობთ",- განაცხადა მღებრი...

საქართველოს პარლამენტის თავმჯდომარის, შალვა პაპუაშვილის განცხადებით, შოვში, სტიქიის ზონაში აღმოჩენილი 18 ცხედრიდან 12 იდენტიფიცირებულია. როგორც პაპუაშვილმა მედიის წარმომადგენლებთან საუბრისას აღნიშნა, ქუთაისში ცხედრების ამოცნობის პროცესი ამ წუთებშიც მიმდინარეობს. "დღევანდელი მონაცემები არ შეცვლილა. 18 გარდაცვლილი არის ნაპოვნი, მათგან 12 არის იდენტიფიცირებული, თუმცა ახლაც გაემართნენ ახლობლები ქუთაისში, პროზექტურაში ამოცნობის ღონისძიებებისთვის. მიმდინარეობს 18 ადამიანის ძებნის ოპერაცია",- განაცხადა პაპუაშვილმა და სამაშველო ღონისძიებებში ჩართულ უწყებებსა და ადამიანებს მადლობა გადაუხადა. შეგახსენებთ, შოვში მეწყერი 3 აგვისტოს ჩამოწვა. 7 აგვისტო საქართველოში გლოვის დღედ გამოცხ...

სტიქიის ზონაში, ტექნიკის მობილიზება და მუშაობა პრიორიტეტულ 7 მდებარეობაზე მიმდინარეობს. აღნიშნულ ინფორმაციას რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს. გზების დეპარტამენტის ცნობით, ამ დროისთვის, სტიქიის ზონაში, სულ მობილიზებულია 78 ერთეული მძიმე ტექნიკა.  "ტექნიკის მობილიზება და მუშაობა, საძიებო სამუშაოებისთვის მიმდინარეობს შინაგან საქმეთა სამინისტროს საგანგებო სიტუაციების მართვის სამსახურის მიერ განსაზღვრულ პრიორიტეტულ 7 მდებარეობაზე.  ამასთან, დროებითი ხიდის მიმდებარედ, გრძელდება მდინარის კალაპოტის ფორმირებისა და მჟავე წყლებთან შემოვლითი გზის მოწყობის სამუშაოები. ძებნისა და კალაპოტის გაწმენდის ს...

ჯუთას გზის რეაბილიტაციის პროექტი დასრულებულია და სამუშაოებისათვის მობილიზაცია დაწყებულია. აღნიშნულ ინფორმაციას რეგიონული განვითარებისა და  ინფრასტრუქტურის სამინისტროს საავტომობილო გზების დეპარტამენტი ავრცელებს. გზების დეპარტამენტის ცნობით, სამშენებლო სამუშაოები მომდევნო კვირიდან დაიწყება. "როგორც საზოგადოებას მიმდინარე წლის ივნისში მივაწოდეთ ინფორმაცია, აჩხოტი-სნო-ახალციხე-ჯუთას საავტომობილო გზის კმ12-კმ16 მონაკვეთზე, მიმდინარეობდა მუდმივი მონიტორინგი და მზადდებოდა პრევენციისა და რეაბილიტაციის პროექტი. 2022 წლის ბოლოს დაწყებული პირველადი კვლევები და საპროექტო გადაწყვეტილებები უკვე დასრულებულია. გამოიკვეთა სამი დაზიანებული და ერთი მეწყრული ადგილი.   მიმ...

შინაგან საქმეთა სამინისტრო შოვში, სტიქიის ზონაში მიმდინარე სამუშაოების შესახებ ინფორმაციას ავრცელებს. უწყების ცნობით, მუშაობა განაახლა სასაზღვრო პოლიციის ორმა ვერტმფრენმა. "ონის მუნიციპალიტეტში სტიქიის ზონაში მეოთხე დღეა სამაშველო ღონისძიება გრძელდება. დღეს, შინაგან საქმეთა სამინისტროს საგანგებო სიტუაციების მართვის სამსახურის თანამშრომლების მიერ, მიწის მასის დამუშავების დროს ნაპოვნია კიდევ ერთი ცხედარი. მუშაობა განაახლა სასაზღვრო პოლიციის ორმა ვერტმფრენმა. სამუშაოებში ჩართულნი არიან პოლიციის დანაყოფები, საგანგებო სიტუაციების მართვის სამსახურის კინოლოგთა ჯგუფი, თავდაცვის სამინისტროს და ინფრასტრუქტურის სამინისტროს საავტომობილო გზების დეპარტამენტის თანამშრომლები. ადგილზ...