"ქართული ოცნების" გამარჯვების საშუალება არის არჩევნების გაყალბება, რაც დაწყებულია,- ამის შესახებ საქართველოს პრეზიდენტმა, სალომე ზურაბიშვილმა Financial Times-ს განუცხადა. როგორც Financial Times-ის სტატიაშია აღნიშნული, საქართველოს პრეზიდენტმა მმართველი პარტია დაადანაშაულა კრემლის მიერ შთაგონებული დაშინების ტაქტიკის გამოყენებაში მომავალი არჩევნების გასაყალბებლად და მოუწოდა ამომრჩევლებს, რომ არჩევანი ევროკავშირსა და რუსეთს შორის გააკეთონ. ამასთან, სალომე ზურაბიშვილმა აღნიშნა, რომ მაღალი აქტივობა "ქართული ოცნების" სრულ დამარცხებას ხელს შეუწყობს. "ოლიგარქ ბიძინა ივანიშვილის ხელმძღვანელობით, რომელმაც რუსეთში მოიპოვა ქონება, "ქართული ოცნ...
რუსეთი ხედავს დასავლეთის მცდელობებს, მოახდინოს ზეწოლა საქართველოს ხელისუფლებაზე და გავლენა მოახდინოს ქვეყანაში საარჩევნო კამპანიის მიმდინარეობაზე, - ამის შესახებ კრემლის პრესსპიკერმა, დიმიტრი პესკოვმა ჟურნალისტებთან საუბრისას განაცხადა. როგორც პესკოვმა აღნიშნა, რუსეთი საქართველოს არჩევნებში არ ერევა. "რაც შეეხება არჩევნებს, ეს ჩვენი საქმე არაა. ჩვენ ვხედავთ დასავლეთის ქვეყნების აშკარა მცდელობას, განახორციელონ ზეწოლა საქართველოს ამჟამინდელ ხელისუფლებაზე და პირდაპირი, დაუფარავი გავლენა მოახდინონ საარჩევნო კამპანიის მიმდინარეობაზე",- განაცხადა პესკოვმა.
2000 წელია, საქართველო ვერავინ დაიმონა და ვერც ივანიშვილი დაიმონებს! - ამის შესახებ ოპოზიციონერი დეპუტატი კახა ოქრიაშვილი აცხადებს. ოქრიაშვილის თქმით, „ხიფათიანი, მაგრამ შესაძლებლობებით აღსავსე ცხოვრება სჯობს „მშვიდობიან მონობაში" ცახცახს". „დღეს შევხვდი დმანისელებს. რას ნიშნავს, როცა თაღლითი, „გადამგდები“ „ოცნება“ ბოდიშს უხდის სისხლიან მტერს? ამ შემთხვევაში, ბოდიში ნიშნავს მონობის აღიარებას და მხოლოდ მონას შეუძლია, მადლობა გადაუხადოს მჩაგვრელს. დიახ, მონურ მორჩილებაზეა აგებული „მეოცნებეობა“. რუსეთი 2012 წლის შემდეგაც განაგრძობს საქართველოს, როგორც სახელმწიფოს, ჩაგვრას და ჩვენი ხელისუფლებისგან იღებს მადლობებს. ...
ჩემი რომელიმე წინაპარი სომეხი, ან სხვა მოძმე ერის წარმომადგენელი რომ ყოფილიყო, ღიად და თამამად ვიტყოდი ამის შესახებ. ვისაც ასეთი ამბები აწუხებს, ან ეუხერხულება თავისი წარმომავლობა - ქსენოფობია! - ამის შესახებ კოალიცია "ძლიერი საქართველოს" ლიდერი მამუკა ხაზარაძე სოციალურ ქსელში წერს. ხაზარაძის განცხადებით, მმართველი პარტიის საპატიო თავმჯდომარის, ბიძინა ივანიშვილის და "მისი ხელქვეითების რუსული პროპაგანდა ყოველგვარ ზღვარს გასცდა". "ივანიშვილის და მისი ხელქვეითების რუსული, "კაგებეშნიკური" პროპაგანდა ყოველგვარ ზღვარს გასცდა, რომელიც აი, უკვე რამდენიმე წელია, მიმდინარეობს ჩემ წინააღმდეგ. ბოლო ცილისმწამებლური კამპანია კი არა მარტო მე, არამედ ჩვენს მოძმე ხ...
"სამართლიანი არჩევნების" (ISFED) ინფორმაციით, ბოლო კვირების განმავლობაში ორგანიზაციის გრძელვადიანი დამკვირვებლები, მთელი ქვეყნის მასშტაბით, ხშირად იღებენ ინფორმაციას იმის შესახებ, რომ "საარჩევნო კამპანიაში მმართველი პარტიის სასარგებლოდ ჩართული პირები ამომრჩეველზე, მათ შორის საბიუჯეტო ორგანიზაციებში დასაქმებულ ადამიანებზე, ზეწოლას სხვადასხვა გზებით ცდილობენ". "სამართლიანი არჩევნები" მოუწოდებს ამომრჩევლებს, საკუთარი პერსონალური მონაცემი ან/და პირადობის დამადასტურებელი დოკუმენტი არავის გადასცენ. "სამართლიანი არჩევნები" ასევე მოუწოდებს შესაბამის სახელმწიფო უწყებებს, შეისწავლონ, გამოიძიონ და მიიღონ შესაბამისი ზომები ბოლო პერიოდში გაჟღერებულ კ...
დღეს, 15 ოქტომბერს ევროკავშირის ზოგად საქმეთა საბჭოს სხდომაზე, საქართველოში არსებულ ვითარებას განიხილავენ. ამის შესახებ ინფორმაცია EU-ის ოფიციალურ ვებგვერდზე გამოქვეყნდა. ვებგვერდზე გამოქვეყნებული დღის წესრიგის მიხედვით, საქართველოს საკითხზე მსჯელობას, მოახლოებული არჩევნების ფონზე, გერმანიის დელეგაცია გამართავს. სხდომა ლუქსემბურგში გაიმართება. მისი დასრულების შემდეგ დაგეგმილია პრესკონფერენცია.
მინისტერიალზე განვიხილეთ მოლდოვასა და საქართველოში არსებული ვითარება, ორივე ქვეყანა მომავალ კვირებში მნიშვნელოვანი არჩევნების წინაშე დგას, - ამის შესახებ ევროკავშირის საგარეო პოლიტიკური უწყების ხელმძღვანელმა, ჯოზეფ ბორელმა ევროკავშირის საგარეო საქმეთა მინისტერიალის შემდეგ გამართულ პრესკონფერენციაზე განაცხადა. როგორც ბორელმა აღნიშნა, საპარლამენტო არჩევნები, გადამწყვეტი ტესტი იქნება საქართველოს დემოკრატიისა და ევროკავშირისკენ მიმავალი გზისთვის. "ჩვენ ვხედავთ, რომ რუსეთი არ იშურებს ძალისხმევას საარჩევნო პროცესის ჩასაშლელად ჰიბრიდული თავდასხმებისა და ამომრჩეველთა ფართოდ გავრცელებული უკანონო მოსყიდვის გზით. ჩვენ ვაფასებთ მოლდოვის მთავრობის გამძლეობას ამ უპრეცედენტო გა...
საქართველო იმსახურებს ევროკავშირის წევრობას და ჩვენ აუცილებლად წავალთ წინ,- ამის შესახებ " ერთიანობა - ნაციონალური მოძრაობის" ერთ-ერთმა ლიდერმა, გიორგი ვაშაძემ განაცხადა. მისივე თქმით, საქართველო აუცილებლად წავა, ევროპისკენ და მოიშორებს იზოლაციას. " მთელი საქართველო ერთიანია, "ქართული ოცნება" მარცხდება. ვაფხიზლებთ, ვაერთიანებთ, ჩვენი მთავარი მიზანია, რომ ყველა ერთად დავდგეთ. საქართველო იმსახურებს ევროკავშირის წევრობას და ჩვენ აუცილებლად წავალთ წინ, ევროპისკენ და იზოლაციას უარს ვეტყვით. მოიშორე ბიძინა, წადი ევროპისკენ",- განაცხადა ვაშაძემ
1 000-ლარიანი პენსიის შესახებ ოპოზიციის საარჩევნო დაპირება ტყუილი და ბლეფია, - ამის შესახებ თბილისის მერმა, კახა კალაძემ კოალიცია "ძლიერი საქართველოსთვის" მიერ 1 000-ლარიანი პენსიის დანიშვნასთან დაკავშირებულ საარჩევნო დაპირებაზე საუბრისას განაცხადა. კალაძის თქმით, მსგავს შემთხვევაში, აღნიშნული თანხა რომელიმე მიმართულებას უნდა მოაკლდეს, რაც წარმოუდგენელია. "მახსოვს, როდესაც აღნიშნული დაპირება პირველად გააჟღერეს, ერთ-ერთ ტელევიზიაში დებატები ჰქონდათ. მეორე მხარეს, თუ არ ვცდები, „გირჩის“ წარმომადგენელი იყო. იქ დაიხატა სრული სურათი, თუ როგორ ატყუებენ ხალხს. ელემენტარული მათემატიკა არ იცოდნენ, რა დაპირებაზე, რა 1 000-ლარიან პენსიაზეა საუბარი?! ე...
მნიშვნელოვანია, რომ ის წავიდეს არა როგორც ყოფილი, არამედ გაშვებული პრეზიდენტი,- ამის შესახებ თბილისის მერმა, კახა კალაძემ პრეზიდენტ სალომე ზურაბიშვილის იმპიჩმენტის საკითხთან დაკავშირებით განაცხადა. კალაძის თქმით, „გულდასაწყვეტია, როდესაც ამ სტატუსის მქონე ადამიანი არღვევს კონსტიტუციას". „ის კონსტიტუციის დაცვის სადარაჯოზე პირველი უნდა იდგეს. მომავალში ვერავინ რომ ვერ გაბედოს კონსტიტუციის დარღვევა, სახელმწიფოს შეურაცხყოფა, ამის პრევენციისთვის მნიშვნელოვანია, რომ ის წავიდეს არა როგორც ყოფილი, არამედ გაშვებული პრეზიდენტი“,- განაცხადა კალაძემ.
დროებით მოვლენებზე, როგორიც არის მაგალითად ევროპარლამენტის რეზოლუცია, მე განსაკუთრებულ ყურადღებას არ გავამახვილებდი. ჩვენი სტრატეგიული ამოცანაა, გადავტვირთოთ ურთიერთობები და ეს მოხდება აუცილებლად მომავალი წლიდან,- ამის შესახებ პრემიერ-მინისტრმა, ირაკლი კობახიძემ ჟურნალისტებს განუცხადა. როგორც მთავრობის მეთაურმა აღნიშნა, „უკრაინის ომი არის მთავარი მიზეზი, რატომაც კონკრეტულ ძალებს დღეს აქვთ განსხვავებული ინტერესი საქართველოს მიმართ". „სანქციების დაწესება არ არის აქტუალური საკითხი. მე მგონია, რომ მომავალი წლიდან თვისებრივად გადაიტვირთება ურთიერთობები როგორც ევროკავშირთან, ისე აშშ-სთან. როგორც კი უკრაინაში ომი დასრულდება, ჩვენ მივიღებთ შედეგად სრულიად სხვა მოცემულობას. ...
ჩვენი რეიტინგი არის, დაახლოებით, 60%, ასეთ პირობებში საუბარი ოპოზიციურ ტექნიკურ მთავრობაზე არის ფარსი,- ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა. პრემიერის თქმით, „გეგმას, რომელიც არის წარმოდგენილი, განხორციელება არ უწერია". „ჩვენი რეიტინგი არის, დაახლოებით, 60%, ასეთ პირობებში საუბარი ოპოზიციურ ტექნიკურ მთავრობაზე არის ფარსი. ჩვეულებრივად ჩატარდება არჩევნები. ნოემბერში, დეკემბრის დასაწყისში შედგება პარლამენტის პირველი სხდომა, დაკომპლექტდება ნორმალური მთავრობა და არა ე.წ. ტექნიკური მთავრობა, რომელიც უზრუნველყოფს ქვეყნის განვითარებას. ის გეგმა, რაც არის წარმოდგენილი, რომელსაც არ უწერია განხორციელება, ნიშნავს ერთი წლით ქვეყნი...
არაერთი განცხადება მოვისმინეთ ევროკავშირის მხრიდან იმასთან დაკავშირებით, რომ ივანიშვილმა გაყინა საქართველოს ევროინტეგრაციის პროცესი,- ამის შესახებ "ერთიანობა - ნაციონალური მოძრაობის" თავმჯდომარემ, თინა ბოკუჩავამ ევროკავშირის საგარეო საქმეთა მინისტრების შეხვედრასთან დაკავშირებით განაცხადა. ბოკუჩავას თქმით, "საქართველომ რომ არ დაკარგოს ყველაფერი და გააგრძელოს სვლა ევროკავშირისკენ, ამის ერთადერთი გარანტი ხელისუფლების მშვიდობიანი ცვლილებაა". "არაერთი განცხადება მოვისმინეთ ევროკავშირის მხრიდან იმასთან დაკავშირებით, რომ ივანიშვილმა გაყინა საქართველოს ევროინტეგრაციის პროცესი და ახლა ერთადერთი შანსი, რომ საქართველომ არ დაკარგოს მათ შორის უვიზო მიმოსვლა ევროკავ...
საქართველოს პრეზიდენტის, სალომე ზურაბიშვილის ინფორმაციით, სკოლებში ბავშვებს მშობლების პირად ნომერს სთხოვენ. როგორც ზურაბიშვილი სოციალურ ქსელში წერს, საინტერესოა ამ სკოლების იდენტიფიცირება. "სკოლებში ასეთ მონაცემებს რომ სთხოვენ ბავშვებს, ეს პირადი მონაცემების დარღვევაა! არ უნდა გასცეს ბავშვმა მშობლების პირადი ნომერი! სააინტერესოა ამ სკოლების იდენტიფიკაცია!" - წერს ზურაბიშვილი "ფეისბუქის" გვერდზე და ფოტომასალას აქვეყნებს.
ეს არის კიდევ ერთი დასტური იმისა, თუ როგორი შეშინებულია რუსი ოლიგარქი. ამ დარბევების, ამ ძალადობის, ამ მუქარების არავის არ გვეშინია, უფრო მეტი მოტივაციაა ჩვენთვის, რომ დამაჯერებლად, დიდი სხვაობით ეს რუსები, მოღალატეები გავისტუმროთ ხელისუფლებიდან,- ამის შესახებ „ერთიანობა - ნაციონალური მოძრაობის“ თბილისის საკრებულოს ფრაქციის თავმჯდომარემ, ირაკლი ნადირაძემ თბილისში, პარტიის ვარკეთილის ოფისის დარბევასთან დაკავშირებით განაცხადა. ნადირაძის თქმით, მომხდართან დაკავშირებით შინაგან საქმეთა სამინისტროსთვის არ მიუმართავთ. „კიდევ ერთხელ ჩანს „ქართული ოცნება“ და ივანიშვილი როგორი შეშინებულია. დღეს დილით, ვარკეთილის მესამე მიკრორაიონში, სადაც არის „ერთიანი ნაცი...
"ერთიანობა - ნაციონალური მოძრაობის" წევრი ლევან ხაბეიშვილი აცხადებს, რომ თბილისში, პარტიის ვარკეთილის ოფისი დაარბიეს. როგორც ხაბეიშვილი სოციალურ ქსელში წერს, ოფისი "სუს-ის და მილიციის "ნასედკებმა" დაარბიეს. "სუს-ის და მილიციის "ნასედკებმა" ვარკეთილის ენმ-ის ოფისი დაარბიეს. მოგნიშნოთ სამგორელო "ბიძინისტებო"? არ გრცხვენიათ? რას დაგამსგავსათ ამ გარეწარმა კაცმა, ფულის სიყვარულმა. არც უბანთან, არც კაცობასთან, არც პოლიტიკასთან "ჩანავლელიც" არ ხართ. საკადრის პასუხს ხალხი გაგცემთ 26 ოქტომბერს. არ ვიცი, მე არა, არ გამიგია... თქვენს პატრონს, თან რომ გრცხვენიათ თქვენივე ნამოქმედარის. პატარა კაცუნებო. გამომეხმაურეთ ადგილობრივი...
დემოკრატიულ, პროდასავლურ პარტიებთან ერთად, არჩევნების შემდეგ შევკრავთ კოალიციურ ხელისუფლებას,- ამის შესახებ "ერთიანობა - ნაციონალური მოძრაობის" თავმჯდომარემ, თინა ბოკუჩავამ ტექნიკური მთავრობის შექმნასთან დაკავშირებით განაცხადა. ბოკუჩავას თქმით, კოალიცია "ქართული ქარტიის" ერთგულია. "ეს არის პრეზიდენტის პრეროგატივა. კიდევ ერთხელ ვიმეორებ, "ერთიანობა - ნაციონალური მოძრაობის" სახელით, მე შემიძლია დაგიდასტუროთ, რომ ჩვენი პარტია, როგორც ერთ-ერთი ხელმომწერი "ქართული ქარტიისა", რომელიც არის გზამკვლევი ჩვენი ქვეყნის ევროკავშირში გაწევრიანების, იმ ევროპული დღის წესრიგის და რეფორმების, რომელიც კოალიციურმა ხელისუფლებამ აუცილებლად უმოკლეს დ...
ინოვაციური ეკოსისტემის ხელშეწყობა ჩვენთვის პრიორიტეტია და სწორედ ამას ემსახურება რეფორმები, რომელსაც ამ მიმართულებით ვახორციელებთ, - ამის შესახებ საქართველოს პრემიერ-მინისტრმა ირაკლი კობახიძემ ქუთაისის ტექნოლოგიური ჰაბის კონცეფციის პრეზენტაციაზე სიტყვით გამოსვლისას განაცხადა. კობახიძის თქმით, მმართველ პარტიას აქვს ამბიციური მიზანი, რომ საქართველო ტექნოლოგიებისა და ინოვაციების რეგიონულ ლიდერად ჩამოყალიბდეს. "ჩვენ გვაქვს ამბიციური მიზანი, საქართველო ჩამოყალიბდეს ტექნოლოგიებისა და ინოვაციების რეგიონულ ლიდერად, რაც ნიშნავს კიდევ უფრო მეტ განვითარებას ყველა მიმართულებით და მეტ ინვესტიციებს მთელი მსოფლიოდან. ინოვაციური ეკოსისტემის ხელშეწყობა ჩვენთვის პრიორიტეტია და სწორედ ა...
ეუთოს დემოკრატიული ინსტიტუტებისა და ადამიანის უფლებათა ოფისი (ODIHR) საქართველოში წინასაარჩევნო გარემოსთან დაკავშირებით შუალედურ ანგარიშს აქვეყნებს. 14 გვერდიან ანგარიშში 11 სექტემბრიდან 9 ოქტომბრამდე პერიოდია მიმოხილული. დოკუმენტში ვკითხულობთ, რომ ბოლო საპარლამენტო არჩევნების შემდეგ, საარჩევნო კოდექსში 20-ზე მეტი ცვლილება შევიდა, რომლითაც "ოდირის" რამდენიმე წინა რეკომენდაციაა გათვალისწინებული, თუმცა რამდენიმე რეკომენდაცია კვლავ შეუსრულებელი რჩება. ამასთან, დოკუმენტში აღნიშნულია, რომ საარჩევნო ადმინისტრაციამ დღემდე დაიცვა ყველა კანონიერი ვადა, ჩაატარა ტრენინგები სხვადასხვა დაინტერესებული მხარისთვის და წამოიწყო ამომრჩეველთა ფართომასშტაბიანი ინფორმირების კამპანი...
უკვე აშკარაა, რომ ამ არჩევნებში ოპოზიცია გაიმარჯვებს, ყველა სანდო გამოკითხვა ამას ადასტურებს, - ამის შესახებ “ძლიერი საქართველოს“ ლიდერმა, მამუკა ხაზარაძემ განაცხადა. როგორც ხაზარაძემ აღნიშნა, არჩევნების საბოლოო შედეგი მხოლოდ ქართველ ხალხზეა დამოკიდებული. "ორი კვირა დარჩა არჩევნებამდე. არჩევნების საბოლოო შედეგი მხოლოდ ქართველ ხალხზეა დამოკიდებული. უკვე აშკარაა, რომ ამ არჩევნებში ოპოზიცია გაიმარჯვებს. ყველა სანდო გამოკითხვა ამას ადასტურებს. ეს ფაქტი „ქართული ოცნებისთვისაც" ცნობილია და სწორედ ეს განაპირობებს მათ პანიკურ ქცევასა და შიშს. ამომრჩეველთა უმრავლესობამ უკვე დადასტურებულად იცის, რომ არ სურს „ქართული ოცნება" ხელისუფლებაში. არჩევნები და ხმ...
