საქართველოს საგარეო საქმეთა სამინისტროში ლიეტუვის საგანგებო და სრულუფლებიანი ელჩი ანდრიუს კალინდრა დაიბარეს. საგარეო უწყების მიერ გავრცელებული ინფორმაციის მიხედვით, ელჩის დაბარება "საქართველოში მიმდინარე პროცესებსა და "გამჭვირვალობის შესახებ" კანონთან დაკავშირებით ლიეტუვის მხარის პოზიციასა და ქმედებებს" უკავშირდებოდა. "საქართველოს მხარემ ელჩს განუმარტა, რომ ლიეტუვის ოფიციალური პირების მიერ ბოლო პერიოდში გაკეთებული განცხადებები, ისევე, როგორც საპროტესტო აქციაზე ლიეტუვის საგარეო საქმეთა მინისტრის მონაწილეობა, ასევე "გამჭვირვალობის შესახებ" კანონის მიღების გამო, ლიეტუვის საგარეო საქმეთა სამინისტროში საქართველოს ელჩის დაბარება წარმოადგენს ქვეყნის...
საქართველოს პრეზიდენტმა დღეს 7 მსჯავრდებული შეიწყალა. ამის შესახებ ინფორმაციას პრეზიდენტის ადმინისტრაცია ავრცელებს. ადმინისტრაციის ცნობით, 5 მსჯავრდებული პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისგან სრულად გათავისუფლდა. მათივე ინფორმაციით, 2 მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა, მათ შორის 1 ქალი მსჯავრდებულია.
"საქართველოსთვის" წარმომადგენელი ანა ბუჩუკური აცხადებს, რომ პარტიის დეპუტატებსა და მათი ოჯახის წევრებს ძალადობით ემუქრებიან. ბუჩუკურის თქმით, "უცხოური გავლენის გამჭვირვალობის შესახებ" კანონის მიღების შემდეგ, "ხელისუფლებამ სისტემური ფიზიკური და ფსიქოლოგიური ძალადობა და ძალადობის მუქარა ახალი ძალებით დაიწყო". "ხელისუფლებამ რუსული კანონის მიღების შემდეგ ახალი ძალებით დაიწყო რუსული კანონის მოწინააღმდეგეებისა და ხელისუფლების კრიტიკოსების მიმართ ორგანიზებული, სისტემური ფიზიკური და ფსიქოლოგიური ძალადობა და ძალადობის მუქარა. გუშინ, ძალადობის მუქარები განახლებული ძალებით განხორციელდა ჩვენი გუნდის, პარტია "გახარია საქართველოთვის“ დეპუტატე...
გუშინ, მივიღე მუქარის შემცველი ზარი კონკრეტული ნომრიდან - მინდა ვუთხრა ამ დაქირავებულ მხდალ ადამიანებს, რომ არც მათი და არც მათი შეშინებული დამქირავებლის არავის საქართველოში არ ეშინია,- ამის შესახებ საპარლამენტო ფრაქცია „ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა. ბოკუჩავას თქმით, აღნიშნულთან დაკავშირებით აპირებს, მიმართოს მობილური ქსელების ოპერატორებს, პერსონალურ მონაცემთა დაცვის ინსპექტორსა და სასამართლოს. „გუშინ, ღამის 12-ის ნახევარზე მივიღე ზარი კონკრეტული ნომრიდან. ამავე ნომრიდან ათობით ჩემს გარემოცვაში ასევე მიიღო მუქარის შემცველი ზარი. ამ ადამიანმა იცოდა ჩემი ოჯახის ყველა წევრის ნომერი, რაც ბუნებრივია, მიუთითებს იმაზე, რომ ის...
მივესალმები ახალგაზრდების გადაწყვეტილებას, არჩევნებისთვის მზადება დაიწყონ. ეს რთული გზაა - დაუღალავები, შეუპოვრები და დაუმორჩილებლები უნდა ვიყოთ! - ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს. სააკაშვილის განცხადებით, "არჩევანი მარტივია - საქართველო ან მსოფლიოს პროგრესული ნაწილის მხარდამხარ სვლას აგრძელებს, ან რუსეთის მონობას თანხმდება". "ჩვენ მარტივი არჩევანი გვაქვს - კონსტიტუციას ვიცავთ, მყარად ვადგავართ ევროატლანტიკურ სივრცეში გაერთიანებასა და მსოფლიოს პროგრესული ნაწილის მხარდამხარ სვლას ვაგრძელებთ ან რუსეთის მონობას ვთანხმდებით. ვამაყობ თქვენით და თქვენი იმედი მაქვს! თქვენ გაგვიძეხით წინ და ჩვენ, წინა თაობა გამოგყვები...
ხვალ, 31 მაისს საქართველოს პარლამენტის სასახლესთან აქცია გაიმართება. ამის შესახებ ახალგაზრდული მოძრაობა "დაფიონი" სოციალურ ქსელში განცხადებას ავრცელებს. "დაფიონის" ცნობით, აქცია, ლოზუნგით "არ გაჩერდება ხალხის მდინარე" რუსთაველის გამზირზე 19:00 საათზეა დაგეგმილი. "არ გავჩერდებით, არ შევჩერდებით. ბრძოლა გრძელდება გამარჯვებამდე. ხვალ, 31 მაისს, 19:00-ზე ვიკრიბებით პარლამენტის წინ",- ნათქვამია განცხადებაში.
ირაკლი კობახიძის უტიფრობა და თავდასხმა გერმანიის ელჩზე, პიტერ ფიშერზე, რომელიც ერთ-ერთია იმ პარტნიორებიდან, ვინც აქტიურად ლობირებს და მხარს უჭერს საქართველოს ევროკავშირში გაწევრიანებას, იგივეა, რაც თავდასხმა გერმანიის სახელმწიფოზე,- ამის შესახებ "სტრატეგია აღმაშენებლის" ლიდერმა, გიორგი ვაშაძემ განაცხადა. ვაშაძის თქმით, ელჩზე "თავდასხმა მიუთითებს, თუ როგორ ცდილობს მმართველი პარტია, საქართველო დასავლელ მეგობრებსა და პარტნიორებს დააშოროს". "მათი მიზანია, მოახდინონ საქართველოს სრული იზოლაცია და ქვეყანა დატოვონ რუსეთის პირისპირ მარტო. გერმანიის ელჩი პიტერ ფიშერი არის საქართველოს და ქართველი ხალხის დიდი მეგობარი და ის თავისი საქმიანობითა და მხარდაჭერით ყო...
ჩვეულებრივი სპეკულაციები, აბსურდი და სისულელე შეიძლება ვუწოდოთ ამ განცხადებებს, - ამის შესახებ დედაქალაქის მერმა, კახა კალაძემ მედიის შეკითხვის საპასუხოდ განაცხადა, რომელიც ანაკლიის პორტის პროექტთან დაკავშირებულ შეფასებებს ეხებოდა. მისივე თქმით, პორტის პროექტის განხორციელება საქართველოს მნიშვნელოვანი ინტერესია. „საქართველო მოქმედებს, პირველ რიგში, საკუთარი ინტერესიდან გამომდინარე და ეს არაერთი კონკრეტული ფაქტით შეგვიძლია დავადასტუროთ. რაც შეეხება გამარჯვებულ კომპანიას, ის არის ერთ-ერთი უმსხვილესი კომპანია მსოფლიოში და ზოგადად, ჩინეთის როლი არის მნიშვნელოვანი, იმის გათვალისწინებითაც, რომ 800 მილიარდამდე ვაჭრობა აქვს მას ევროკავშირთან. საქართველოს გავლით,...
ევროკავშირის წევრობისთვის მოლაპარაკებების გახსნასთან დაკავშირებით, ბურთი მათ მხარეს იქნება,- ასე ეხმაურება დედაქალაქის მერი კახა კალაძე საქართველოში გერმანიის ელჩის, პეტერ ფიშერის განცხადებას. კალაძის თქმით, „გაუგებარია ქვეყნის გარედან მოწოდებები" „უცხოური გავლენის გამჭვირვალობის შესახებ“ კანონთან დაკავშირებით მაშინ, როცა „ხალხის მიერ არჩეული პარლამენტის პირდაპირი მოვალეობაა ისეთი კანონების მიღება, რაც ქვეყნის განვითარებას და მშვიდობას უწყობს ხელს". „საქართველო არის დამოუკიდებელი, სუვერენული სახელმწიფო. მოსახლეობამ მიიღო გადაწყვეტილება და პარლამენტში აირჩია უმრავლესობა - „ქართული ოცნების“ დეპუტატების სახით. მათი პირდაპირი მოვალეობა...
ხაზარაძემ ვერ მოახერხა ვერც ერთი სივრციდან ინვესტორის მოზიდვა, მათ შორის ვერც ჩინური კომპანიის მოზიდვა ამ პროექტის განსახორციელებლად, - ამის შესახებ პრემიერ-მინისტრმა, ირაკლი კობახიძემ ანაკლიის პორტთან დაკავშირებით დასმული კითხვის პასუხად განაცხადა. კობახიძის თქმით, ის, რომ "ლელოს" ლიდერმა, მამუკა ხაზარაძემ ანაკლიის პორტის პროექტის განხორციელება ვერ შეძლო, "მისი პასუხისმგებლობაა". „რომ ყოფილიყო ინტერესი კონკრეტული სახელმწიფოების მხრიდან, მათ არ გაუჭირდებოდათ ინვესტორების ჩართვა ამ პროექტის განხორციელებაში. თუმცა, მოხდა ყველაფერი ისე, როგორც მოხდა. ამაზე არ მინდა უფრო მეტი კომენტარის გაკეთება. რომ ყოფილიყო ინტერესი საქართველოში პორტის განვითარების კუთხით, არ...
გერმანიის ელჩი „ლელოსთან" ერთად რეგიონში დადიოდა წინასაარჩევნო კამპანიაზე. ბოლნისში იყო ჩასული „ლელოს" ლიდერებთან ერთად - ასეთი არასერიოზული ქმედებების ფონზე, ამ კაცის განცხადებას დიდ მნიშვნელობას ვერ მიანიჭებ, - ამის შესახებ საქართველოს პრემიერ-მინისტრმა, ირაკლი კობახიძემ გერმანიის ელჩთან, პეტერ ფიშერთან დაკავშირებით განაცხადა. როგორც კობახიძემ ჟურნალისტებს უთხრა, „ეს არის სამწუხარო მოვლენა". „გერმანიის ელჩი „ლელოსთან" ერთად რეგიონში დადიოდა წინასაარჩევნო კამპანიაზე. ბოლნისში იყო ჩასული „ლელოს" ლიდერებთან ერთად. ასეთი არასერიოზული ქმედებების ფონზე, ამ კაცის განცხადებას დიდ მნიშვნელობას ვერ მივანიჭებ. ეს არის ძალიან სამწუხ...
რადიკალური ოპოზიციის ლიბერალურ-ფაშისტური ქმედებების არავის ეშინია,- ამის შესახებ საქართველოს პრემიერ-მინისტრმა, ირაკლი კობახიძემ განაცხადა. როგორც კობახიძემ ჟურნალისტებს უთხრა, "რადიკალური ოპოზიცია ძალიან მძიმედ დამარცხდა". "რადიკალური ოპოზიცია ძალიან მძიმედ დამარცხდა. ეს არის უსუსური მცდელობა, რომ სახე შეინარჩუნონ, სახე საკუთარი მხარდამჭერებისთვის, თუმცა ეს ყველაფერი ვერ იქნება წარმატებული. ეს არის ლიბერალურ-ფაშისტური ქმედებები, რომელსაც ისინი შეიძლება გეგმავდნენ, თუმცა ამ ლიბერალური ფაშიზმის არავის ეშინია. განსაკუთრებით ჩვენი გუნდის წევრებს არ ეშინიათ ასეთი ფაშისტური ბულინგის",- თქვა კობახიძემ.
ეკონომიკისა და მდგრადი განვითარების მინისტრის, ლევან დავითაშვილის განცხადებით, ანაკლიის ღრმაწყლოვანი პორტის პროექტში წინადადება მხოლოდ ჩინურმა კონსორციუმმა წარადგინა. როგორც დავითაშვილმა ცოტა ხნის წინ გამართულ ბრიფინგზე თქვა, გამარჯვებული რამდენიმე დღეში გამოვლინდება. "როგორც ცნობილია, ჩვენ გვქონდა ანააკლიის ღრმაწყლოვანი ნავსადგურის პროექტის განხორციელების ძალიან მნიშვნელოვანი ფაზა. მიმდინარეობდა კერძო პარტნიორის შერჩევა. როგორც ცნობილია, ანაკლიის ღრმაწყლოვანი ნავსადგურის პროექტზე გამოცხადებული იყო კერძო პარტნიორებისთვის საკვალიფიკაციო მოთხოვნები, რომლებიც ორმა პრეტენდენტმა დააკმაყოფილა, ეს იყო შვეიცარიულ-ლუქსემბურგული კომპანია და ასევე, ჩინურ-სინგაპურული კონსორციუმი, რომლებსაც...
ვწუხვარ, რომ მთავრობამ, ფაქტობრივად, აირჩია, საქართველოს ევროატლანტიკური ინტეგრაცია შეაჩეროს,- ასე ეხმაურება ისლანდიის საგარეო საქმეთა მინისტრი თორდის კოლბრუნ რეიკფიორდ გილფადოტირი პარლამენტის მიერ "უცხოური გავლენის გაჭვირვალობის შესახებ" კანონზე პრეზიდენტის ვეტოს დაძლევას. მისი თქმით, საქართველოს მთავრობამ ევროპული მომავალი საფრთხის ქვეშ დააყენა. "ქართველ ხალხს თვალები ევროპული მომავლისკენ ჰქონდა მიპყრობილი, რომელიც ახლა მთავრობამ საფრთხის ქვეშ დააყენა "უცხოური აგენტების" კანონის მიღებით. ვწუხვარ, რომ მთავრობამ, ფაქტობრივად, აირჩია, საქართველოს ევროატლანტიკური ინტეგრაცია შეაჩეროს",- წერს თორდის კოლბრუნ რეიკფიორდ გილფადოტირი სოციალურ ქსელში. შეგახსენ...
რეფერენდუმის თემა სპეკულაციურია, არასერიოზულია, კიდევ ერთხელ აჩევენებს, რომ აბსოლუტურად აცდენილი არიან არა მხოლოდ ხალხის ნებას, არამედ რეალობას და ყოველ ჯერზე მიიღებენ იმ სურათს, რაც მიიღეს გუშინ,- ამის შესახებ პარლამენტის თავმჯდომარემ, შალვა პაპუაშვილმა განაცხადა. პაპუაშვილის თქმით, ოპოზიცია ქართველი ხალხის ნებას აცდენილია. „ის ხელოვნური გეგმები, რასაც ჩაისახავენ ხოლმე და მათი უცხოური მფარველები, რომლებმაც როგორც ჩანს, ჯერ კიდევ ვერ გაიცნეს ქართველი ხალხი, ჩასჩურჩულებენ ხოლმე ყურში, შემდეგ აღმოჩნდება, რომ არის აბსოლუტურად აცდენილი ქართველი ხალხის ნებას, რეალობას და ბოლოს ვიღებთ ამ პუფებს, რომლებიც ჯერ არ შემოდიოდნენ პარლამენტში, მერე შემოვიდნენ. დაქადნებები რამდენი გვინახა...
საქართველოს პარლამენტმა "უცხოური გავლენის გამჭვირვალობის შესახებ" კანონზე პრეზიდენტის ვეტო დაძლია. საკანონმდებლო ორგანოში ორი კენჭისყრა ცოტა ხნის წინ გაიმართა. თავდაპირველად კენჭი უყარეს პრეზიდენტ სალომე ზურაბიშვილის მოტივირებულ შენიშვნებს. კენჭისყრის შედეგების მიხედვით, შენიშვნებს მხარდამჭერი არ ჰყოლია, წინააღმდეგ კი, 66 დეპუტატი წავიდა. აღნიშნულის შემდეგ, კენჭი კანონპროექტის თავდაპირველ ვერსიას უყარეს, რასაც მხარი 84-მა კანონმდებელმა დაუჭირა, 4 წინააღმდეგ წავიდა.
"სტრატეგია აღმაშენებლის" ლიდერს, გიორგი ვაშაძეს "ქართული ოცნების" დეპუტატმა, ირმა ზავრადაშვილმა პარლამენტის პლენარულ სხდომაზე, სადაც "უცხოური გავლენის გამჭვირვალობის შესახებ" კანონზე პრეზიდენტის მოტივირებული შენიშვნების განხილვა მიმდინარეობს, წყალი შეასხა. შემთხვევა იმ დროს მოხდა, როდესაც ვაშაძე ტრიბუნასთან სიტყვით გამოდიოდა. "სტრატეგია აღმაშენებლის" ლიდერი ინციდენტს ტაშით შეხვდა.
თუკი ვინმე დაარღვევს კანონს, კანონის ფარგლებში მოჰყვება რეაგირება, - ამის შესახებ დედაქალაქის მერმა, კახა კალაძემ მედიის შეკითხვის საპასუხოდ განაცხადა, რომელიც შსს-ს განსაკუთრებულ დავალებათა დეპარტამენტის დირექტორის, ზვიად ხარაზიშვილის, იგივე „ხარებას“ კომენტარს ეხებოდა. კახა კალაძის თქმით, არ არსებობს ფაქტი, როდესაც პოლიცია მშვიდობიან მომიტინგეს გაუსწორდა. „ვერ მომიყვანთ ვერცერთ მაგალითს, როდესაც მშვიდობიან მოქალაქეს, მშვიდობიან მომიტინგეს პოლიცია გაუსწორდა. არ არსებობს ასეთი ფაქტი. იქ ასეულობით ადამიანი იდგა, მშვიდობიანად გამოხატავდა თავის მოსაზრებას. ეს მათი უფლებაა, არავინ ზღუდავს ამაში. არ გვინახავს და არ არსებობს, რომ პოლიციის მხრიდან ყოფილიყო რაიმე ქმედება, ...
შეხედეთ მას, მის ლექსიკას მოუსმინეთ, მის მანერებს და მიხვდებით, რომ ის არ არის ნორმალური - ის საზოგადოებისთვის საშიშია,- ასე ეხმაურება "ერთიანი ნაციონალური მოძრაობის" თავმჯდომარე ლევან ხაბეიშვილი შსს-ს განსაკუთრებულ დავალებათა დეპარტამენტის ხელმძღვანელის, ზვიად ხარაზიშვილის განცხადებას. ხაბეიშვილის თქმით, ხარაზიშვილის ადგილი საპატიმროშია. "მესმის ახლა, რომ ნერვული ფხაკურები აქვს ახლა და კუდის მოქნევას ცდილობს. შეეგუოს იმას, რომ მისი ადგილი არის საპატიმროში. ის არის საზოგადოებისთვის საშიში. შეხედეთ მას, მის ლექსიკას მოუსმინეთ, მის მანერებს და მიხვდებით, რომ ის არ არის ნორმალური. ეს ადამიანი წარმოადგენს ძალადობრივი რეჟიმის ძალადობრივ სახეს. ამიტომ, ნუ გაგიკვირდებათ მისი...
2012 წელს თქვენ მართლა მთელმა საზოგადოებამ გადაგირჩიათ და გამოგიტანათ განაჩენი იმიტომ, რომ თქვენ არა თუ ევროპული გზით, არამედ პირდაპირ ანტიევროპული მიმართულებით მიდიოდით, დაასამარეთ ადამიანის უფლებები, დაატერორეთ მედია, რეკეტის ქვეშ გყავდათ ბიზნესი, თავისუფალი სიტყვა და მშვიდობიანი მანიფესტაციები საერთოდ აღარ იყო ამ ქვეყანაში. ეს იყო თქვენი წარმოდგენით ევროპა და თქვენ, ახლა ბედავთ და ევროპის დაცვაზე ჩვენ გველაპარაკებით, ხალხი რომელმაც საერთოდ ევროპულ ჩანაწერს არ დაუჭირეთ მხარი კონსტიტუციაში,- ასე მიმართა პარლამენტის თავმჯდომარის მოადგილემ, არჩილ თალაკვაძემ "ნაციონალურ მოძრაობას" პარლამენტის პლენარულ სხდომაზე. თალაკვაძის თქმით, ოპოზიცია პრეზიდენტ სალომე ზურაბიშვილს "...
