საქართველოს პარლამენტმა „შეკრებებისა და მანიფესტაციების შესახებ“ კანონი მეორე მოსმენით მიიღო.  პარლამენტის პლენარულ სხდომაზე ცვლილებებს მხარი 76-მა დეპუტატმა დაუჭირა, 20 კი წინააღმდეგ წავიდა.  კანონპროექტის თანახმად ზუსტდება „შეკრებებისა და მანიფესტაციების შესახებ“ კანონით გათვალისწინებული ამკრძალავი ხასიათის ღონისძიებები. კერძოდ, კანონპროექტით შეკრების ან მანიფესტაციის მონაწილეებს ეკრძალებათ, მოაწყონ დროებითი კონსტრუქცია, თუ მისი მოწყობა: საფრთხეს უქმნის შეკრების ან მანიფესტაციის მონაწილეებს ან სხვა პირებს; ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას; იწვევს საწარმოს, დაწესებულების ან ორგანიზაცი...

სამარცხვინო ქალბატონია თქვენი პრეზიდენტი,- ასე მიმართა "ქართული ოცნების" თავმჯდომარემ, პრეზიდენტის იმპიჩმენტის შესახებ კონსტიტუციური წარდგინების ავტორმა, ირაკლი კობახიძემ სალომე ზურაბიშვილის წარმომადგენლებს - თამარ ჩუგოშვილსა და მაია კოპალეიშვილს საკონსტიტუციო სასამართლოს სხდომაზე. ჩუგოშვილის კითხვაზე, რა არის პრეზიდენტის იმპიჩმენტის საფუძველი, კობახიძემ განაცხადა, რომ მიზეზი კონსტიტუციის დარღვევაა. "ჩვენ მიგვაჩნია, რომ სალომე ზურაბიშვილი და რადიკალური ოპოზიცია, რომელიც გეგმავს რევოლუციურ პროცესებს, არიან ალიანსში. ეს არის ჩვენი პოლიტიკური პოზიცია სალომე ზურაბიშვილთან დაკავშირებით... იმპიჩმენტის აღძვრის მიზეზი სამართლებრივი იყო... სალომე ზურაბიშვილი პირდაპირ უპირ...

დროებით ოკუპირებული აფხაზეთის ე.წ. უშიშროების საბჭოს მდივანი სერგეი შამბა აცხადებს, რომ ოკუპირებულ ოჩამჩირეში რუსული საზღვაო ბაზის მოწყობასთან დაკავშირებით დადებული "შეთანხმება" "აგრესიის შემთხვევაში" დახმარებასაც ითვალისწინებს.  შამბას თქმით, აქედან გამომდინარე, ოკუპირებულ აფხაზეთში "შეთანხმებით"გათვალისწინებული პირობები "უსაფრთხოების გარანტიად" აღიქმება. „ჩვენ უსაფრთხოების გარანტიად აღვიქვამთ აფხაზეთში რუსული სახმელეთო, საზღვაო და სხვა დანაყოფების არსებობას. ჩვენ მიერ გაფორმებული შეთანხმების მიხედვით, აგრესიის შემთხვევაში, შეგვიძლია, ჩვენი მოკავშირის და სტრატეგიული პარტნიორის მხარდაჭერის იმედი გვქონდეს. ეს პირდაპირ წერია ჩვენ მიერ...

რუსეთმა დაზარალა მოლდოვა, სცადა საქართველოს დაყოფა, კავკასიის სხვა ნაწილების დესტაბილიზაცია, ბელარუსის მოგუდვა, ახლა კი ცდილობს, უკრაინის სხეულს ნაწილები მოაშოროს. ყველა ერი, რომლის წინააღდეგაც რუსეთი მოქმედებს რამე გზით, ყველა ქვეყანა განიცდის ჩარევას ან შეჭრას,- ამის შესახებ უკრაინის პრეზიდენტმა, ვოლოდიმირ ზელენსკიმ ევროპული პოლიტიკური გაერთიანების (EPC) რიგით მესამე სამიტზე განაცხადა. ზელენსკის თქმით, რუსეთი ათწლეულების განმავლობაში ცდილობდა, შეენარჩუნებინა კონტროლი მეზობელ ერებზე ომების დაწყებითა და მათი გაყინვით. მისივე განცხადებით, 2028 წელს, ის, შესაძლოა, თავს სხვა ქვეყნებსაც დაესხას. "რუსეთი ახლა განიხილავს სხვადასხვა სცენარს უახლოესი წლებისთვის, მათგა...

აღნიშნული გადაწყვეტილება შემაშფოთებელი და მძიმეა - ასე ეხმაურება თბილისის მერი კახა კალაძე აფხაზეთის დე-ფაქტო პრეზიდენტის ასლან ბჟანიას განცხადებას, რომ რუსეთთან „შეთანხმებას“ ხელი მოაწერეს და „ოჩამჩირეში რუსეთის მუდმივი საზღვაო ბაზა იქნება“. კალაძის თქმით, მნიშვნელოვანია, რომ საქართველოს ტერიტორიულ მთლიანობას თანამედროვე მსოფლიოსგან აქვს სრული მხარდაჭერა. „არ გავცნობივარ განცხადებას თუმცა, თუ მართლა ასეა, ეს უკიდურესად შემაშფოთებელია და მძიმეა. იცით, რომ ჩვენი ქვეყნის ტერიტორიის დიდი ნაწილი ოკუპირებულია რუსეთის მხრიდან. მთავარი ისაა, რომ საერთაშორისო თანამეგობრობა, თანამედროვე მსოფლიო მხარს უჭერს ჩვენი ქვეყნის ტერიტორიულ მთლიანობას“, - განაცხადა ...

მე ვფიქრობ, რომ ევროკავშირში საღი აზრი, რაციონალურობა, წინახედულობა და სტრატეგიული აზროვნება გაიმარჯვებს და ევროპა აღარ დაუშვებს იმ შეცდომას, რომელიც შარშან დაუშვეს, როცა საქართველოს უსამართლოდ მოექცნენ,- ამის შესახებ საქართველოს პრემიერ-მინისტრმა, ირაკლი ღარიბაშვილმა ესპანეთში, ევროპული პოლიტიკური გაერთიანების მესამე სამიტის დაწყებამდე, ჟურნალისტებთან საუბრისას განაცხადა. მთავრობის მეთაურის თქმით, ევროპელ კოლეგებთან საუბრისას მას "ძლიერი არგუმენტები აქვს, რომლის გაზიარებაც მოუწევთ". „მე, რაც უფრო ვესაუბრები ჩვენს ევროპელ კოლეგებს, მათ ვუხსნი და მაქვს ძალიან ძლიერი არგუმენტები, რომლის გაზიარებაც ჩვენს ევროპელ კოლეგებს უწევთ და მე ვფიქრობ, მოუწევთ. მე მჯერა, რომ ევროკ...

ქვეყანამ უნდა მოახდინოს მშვიდობიანად დეოკუპაცია - აი, ეს არის მთავარი მიზანი და ქვეყნის გაერთიანება, - ამის შესახებ საქართველოს პრემიერ-მინისტრმა, ირაკლი ღარიბაშვილმა ესპანეთში, ჟურნალისტებთან საუბრისას განაცხადა, სადაც მთავრობის მეთაური ევროპული პოლიტიკური გაერთიანების (EPC) რიგით მესამე სამიტში მონაწილეობს. პრემიერის თქმით, ფოკუსირება უნდა მოხდეს არა თარიღებზე, არამედ იმაზე, რაც ხალხს და ქვეყანას სჭირდება. „ჩვენ თარიღებზე არ უნდა ვფოკუსირდეთ, ჩვენ უნდა გავაკეთოთ ყველაფერი, რაც ჩვენს ხალხს და ქვეყანას სჭირდება. ჩვენ უნდა გავაგრძელოთ რეფორმები, ქვეყნის განვითარება, გაძლიერება, ჩვენი ქვეყნის ეკონომიკის განვითარება, რაც არის უმნიშვნელოვანესი. რაც მთავარია - უსაფრთხოების საკ...

შეშფოთებას გამოვთქვამთ სოხუმში რუსეთის საოკუპაციო რეჟიმის განცხადებებთან დაკავშირებით საქართველოს ოკუპირებულ ტერიტორიებზე რუსეთის დამატებითი სამხედრო ბაზის განლაგების და რუსეთის მიერ ინიცირებულ ინტეგრაციულ პროცესებში საქართველოს განუყოფელი აფხაზეთის რეგიონის ჩართვის შესახებ,- ამის შესახებ საქართველოს საგარეო საქმეთა სამინისტროს განცხადებაშია აღნიშნული. როგორც განცხადებაშია ნათქვამი, მსგავსი ქმედებები საქართველოს სუვერენიტეტის და ტერიტორიული მთლიანობის უხეშ დარღვევას წარმოადგენს. "შეშფოთებას გამოვთქვამთ სოხუმში რუსეთის საოკუპაციო რეჟიმის განცხადებებთან დაკავშირებით საქართველოს ოკუპირებულ ტერიტორიებზე რუსეთის დამატებითი სამხედრო ბაზის განლაგების და რუსეთის მიერ ინიცირებულ ინტეგრა...

ჟურნალისტებს არაფერი არ ეკრძალებათ, თუმცა აპარატის თანამშრომლებს, იგულისხმებიან  პოლიტიკოსები, რომლებიც პარლამენტის აპარატის თანამშრომლები არიან - ესეც ცალკე ანომალიაა, რომ ჩვენ პარლამენტის აპარატის თანამშრომლები გვყავს პოლიტიკური ლიდერები. მათ შეუძლიათ მისცენ კომენტარი სადმე სხვა სივრცეში, თუმცა არა იქ, სადაც გამოყოფილია სივრცე პარლამენტის წევრებისთვის,- ამის შესახებ პარლამენტის თავმჯდომარემ, შალვა პაპუაშვილმა ბიუროს სხდომაზე განაცხადა. პაპუაშვილის თქმით, ინფორმაცია, თითქოს ჟურნალისტებისთვის აპარატის თანამშრომლებთან კომუნიკაციის შეზღუდვის დაწესება ხდება, "მორიგი დეზინფორმაციაა და სიმართლეს არ შეესაბამება". „საქმე ეხება საქართველოს პარლამენტის შინაგანაწესს აპარა...

ოკუპირებულ ოჩამჩირეში რუსეთის საზღვაო ძალების მუდმივი ბაზა გაიხსნება,- ამის შესახებ დროებით ოკუპირებული აფხაზეთის ე.წ. პრეზიდენტმა, ასლან ბჟანიამ გამოცემა Известия-სთან ინტერვიუში განაცხადა. ე.წ. პრეზიდენტის თქმით, აღნიშნულთან დაკავშირებულ "შეთანხმებას" ხელი უკვე მოეწერა. "ჩვენი დღესასწაულის დღეს, ჩვენს პორტში პატარა სარაკეტო ხომალდი შემოვიდა. ძალიან თანამედროვე გემი - სერიოზული საბრძოლო შესაძლებლობებით. ჩვენ შეთანხმებას მოვაწერეთ ხელი და უახლოეს მომავალში, ოჩამჩირეში რუსეთის საზღვაო ძალების მუდმივი ბაზა იქნება",- თქვა ბჟანიამ. მისივე განცხადებით, "შეთანხმება" მიზნად როგორც რუსეთის, ისე ოკუპირებული აფხაზეთის თავდაცვისუნარიანობის დონის ამაღლებას ისახა...

საკონსტიტუციო სასამართლოში საქართველოს პრეზიდენტის, სალომე ზურაბიშვილის იმპიჩმენტის შესახებ "ქართული ოცნების" კონსტიტუციური წარდგინების არსებითი განიხილვა გრძელდება. სხდომა, რომელიც მესამე დღეა მიმდინარეობს, ცოტა ხნის წინ განახლდა.  დღეს პროცესი ურთიერთშეკითხვების ეტაპით გაიხსნება, რის შემდეგაც მხარეები დასკვნით სიტყვას წარმოსთქვამენ. შეგახსენებთ, "ქართულმა ოცნებამ" საქართველოს პრეზიდენტის, სალომე ზურაბიშვილის მიმართ იმპიჩმენტის პროცედურის დაწყების გადაწყვეტილება 1-ელ სექტემბერს მიიღო. კონსტიტუციური წარდგინების ავტორებმა საკონსტიტუციო სასამართლოს 12 სექტემბერს მიმართეს. 14 სექტემბერს, წარდგინება კანონმდებლობით დადგენილი წესით დარეგისტრირდა...

ერთობაზე საუბრობდე და გახლეჩვის მეტს არაფერს აკეთებდე, "ოცნების" საოცნებო თამაშია,- ამის შესახებ "ერთიანი ნაციონალური მოძრაობის" ყოფილი თავმჯდომარე ნიკა მელია სოციალურ ქსელში წერს. მელიას განცხადებით, "ნაციონალური მოძრაობის" ახალი მენეჯმენტი 7 ოქტომბერს, საკონსულტაციო შეხვედრის დღეს, ექსპრეზიდენტ მიხეილ სააკაშვილის გათავისუფლების მოთხოვნით აქციას მართავს, რაც ენმ-ის ყოფილი თავმჯდომარის შეფასებით, "ქართული ოცნების" ხელწერაა. "7 ოქტომბერს, თანამოაზრეებმა, ადამიანებმა, ვისაც ქვეყნის უკეთესი მომავალი გვინდა, ვისაც გვინდა ცვლილება და "ქართული ოცნების" მმართველობის სისტემის დემონტაჟი, დავნიშნეთ საკონსულტაციო შეხვედრა, რომ განვიხილოთ, ...

სახალხო დამცველი ლევან იოსელიანი საქართველოს პარლამენტში „შეკრებებისა და მანიფესტაციების შესახებ“ საქართველოს კანონში დაგეგმილ ცვლილებებს ეხმიანება. იოსელიანი მიიჩნევს, რომ წარმოდგენილი პროექტით სახეზეა გამოხატვის/შეკრების თავისუფლებაში ინტენსიური ჩარევა, რომელიც ზღუდავს აზრის გამოხატვას დროებითი კონსტრუქციების (მაგალითად, კარვის) გამოყენებით. "დემოკრატიულ საზოგადოებაში გამოხატვის თავისუფლების ამგვარი ინტენსიური შეზღუდვა შესაძლებელია გამართლდეს მხოლოდ მნიშვნელოვანი, წონადი ინტერესის დაცვის საჭიროებით, რაც წარმოდგენილი კანონპროექტით არ იკვეთება. ცვლილებებით აიკრძალება შეკრებისა და მანიფესტაციის მონაწილეების მიერ დროებითი კონსტრუქციების მოწყობა 5 შესაძლო საფუძ...

საკონსტიტუციო სასამართლოში პრეზიდენტის იმპიჩმენტის საკითხის განხილვის დროს მხარეებს შორის მცირე სიტყვიერი დაპირისპირება მოხდა. ირაკლი კობახიძემ პრეზიდენტის წარმომადგენელს, მაია კოპალეიშვილს უთხრა, რომ "ეს ადეიშვილის სასამართლო" არ არის და "წესიერად" ესაუბრა. "ეს ადეიშვილს სასამართლო კი არ არის, ეს არის საკონსტიტუციო სასამართლო და წესიერად ილაპარაკეთ. ადეიშვილის სასამართლო არ არის და არც გვარამიას, ვისი მოადგილეც იყავით წლების განმავლობაში. რომ ამაყობთ [ამით], ეგაა თქვენი პრობლემა", - უთხრა კობახიძემ კოპალეიშვილს. მაია კოპალეიშვილმა კი კობახიძეს უპასუხა, რომ ის იყო, ვინც საქართველოში გავრილოვი ჩამოიყვანა და პარლამენტის სავარძელში ჩასვა.  ...

აქტიურად ვმუშაობთ ჩინეთთან მეტი ავიარეისის საკითხზე... რეგულარული ფრენები ყოველდღიურად შესრულდება, - ამის შესახებ ეკონომიკის მინისტრმა, ლევან დავითაშვილმა პარლამენტში, "მინისტრის საათის" ფორმატში განაცხადა. დავითაშვილის თქმით, თქმით, ამ ეტაპზე, ავიაკომპანია China Southern საქართველოს მიმართულებით რეგულარულ ფრენებს ყოველდღიურად ასრულებს. "ტურისტული ბაზრის დივერსიფიკაციის მიზნით ერთ-ერთი აღსანიშნავი ფაქტორია ჩინეთის სახალხო რესპუბლიკასთან თანამშრომლობის გაღრმავება, რადგან ის მსოფლიოში ყველაზე დიდი ტურისტული ბაზარია. ყოველწლიურად ჩინეთიდან სხვადასხვა ქვეყანას 150 მილიონზე მეტი ტურისტი სტუმრობს და მათი დანახარჯი 300 მილიარდ დოლარს აღემატება. ჩინეთთან უ...

"საქართველოს ახალგაზრდა იურისტთა ასოციაცია" ეხმიანება პრეზიდენტის წინააღმდეგ მმართველი პარტიის მიერ წამოწყებულ დავას იმპიჩმენტის შესახებ. ორგანიზაციის თქმით, პრეზიდენტის მიმართ იმპიჩმენტის პროცედურის დაწყება უსაფუძვლოა, ვინაიდან პრეზიდენტი მოქმედებდა კონსტიტუციის 78-ე მუხლის მიერ მისთვის დაკისრებული ვალდებულების შესასრულებლად, ხოლო მთავრობამ თავად არ შეასრულა ვალდებულება, რომელიც თანხმობის გაცემას გულისხმობდა პრეზიდენტის მიერ ისეთი ქმედებების სისრულეში მოსაყვანად, როგორიცაა ევროკავშირში გაწევრიანების მიზნებისთვის შეხვედრების და მოლაპარაკებების წარმოება. "პარლამენტს არ აქვს ვალდებულება, სასამართლოს დასკვნით დადგენილი, კონსტიტუციის დამრღვევი პრეზიდენტი აუცილებლად გადააყ...

„ქართული ოცნების“ თავმჯდომარემ, საპარლამენტო უმრავლესობის ლიდერმა, ირაკლი კობახიძემ საკონსტიტუციო სასამართლოს სხდომაზე, სადაც პრეზიდენტის იმპიჩმენტის თაობაზე კონსტიტუციური წარდგინების განხილვა მიმდინარეობს, პრეზიდენტის უფლებამოსილებებზე, პასუხისმგებლობასა და ანგარიშვალდებულებაზე ისაუბრა. როგორც კობახიძემ განმარტა, საქართველოს პრეზიდენტი არ არის პასუხისმგებელი კანდიდატი სტატუსის მიღებაზე და ეს მხოლოდ პარლამენტისა და მთავრობის პასუხისმგებლობაა. „შარშან ივნისამდე პრეზიდენტმა რამდენჯერმე ითხოვა თანხმობა ევროკავშირის ქვეყნებში ვიზიტების განხორციელებაზე ევროინტეგრაციის დაჩქარების მიზნით, ანუ კანდიდატის სტატუსის მიღების მიზნით. პრეზიდენტს მიაჩნდა, რომ მისი როლი იყო მნიშვნ...

ნებისმიერი განცხადება იმასთან დაკავშირებით, თითქოს, საქართველოს პარლამენტი იღებს რუსულ კანონებს, ეს არის სხვა არაფერი, თუ არა „კაგებეს“ სახელმძღვანელოდან ამოკითხული პროპაგანდისტული ინსტრუმენტები და ამის უფლებას ზვიად გამსახურდიას დარბაზში არავის მოგცემთ,- ასე მიმართა პარლამენტის თავმჯდომარემ, შალვა პაპუაშვილმა ოპოზიციონერ დეპუტატებს პარლამენტის პლენარულ სხდომაზე, სადაც „შეკრებისა და მანიფესტაციების შესახებ“ კანონში დაგეგმილი ცვლილებების პირველი მოსმენით განხილვა მიმდინარეობს. პაპუაშვილის თქმით, საქართველოს პარლამენტი, სადაც სხედან ქართველი ხალხის მიერ არჩეული წარმომდგენლები, იღებს მხოლოდ და მხოლოდ ქართულ კანონებს. "როგორც პარლამენტის თავმჯდომარეს მა...

ზურაბიშვილის დამოუკიდებლობის არ მჯერა და ვფიქრობ, რომ ეს პროცესი ივანიშვილის რუსული ინტერესების გამო მიმდინარეობს,- ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა პრეზიდენტ სალომე ზურაბიშვილის იმპიჩმენტის საკითხთან დაკავშირებით განაცხადა. ხაბეიშვილის თქმით, ენმ-მა მიიღო გადაწყვეტილება, რომ პარლამენტში პრეზიდენტის იმპიჩმენტის პროცედურას არ დაესწროს. „არ დაგვავიწყდეს ის, რომ სალომე ზურაბიშვილი ლაზარე გრიგორიადისთან დაკავშირებით კონკრეტულ გადაწყვეტილებებს არ იღებს; პრეზიდენტ სააკაშვილთან დაკავშირებით, რომელიც უნდა მიიღოს უპირობოდ ზელენსკის, მაკრონის ევროსაბჭოს რეზოლუციების თანახმად, ამერიკამ უნდა დაადასტუროს ხომ პირდაპირ, „ეფესბე...

საკონსტიტუციო სასამართლოში საქართველოს პრეზიდენტის, სალომე ზურაბიშვილის იმპიჩმენტის შესახებ "ქართული ოცნების" კონსტიტუციური წარდგინების არსებითი განიხილვა გრძელდება. ზეპირ მოსმენას წარდგინების ავტორთა ნაწილი, მათ შორის "ქართული ოცნების" თავმჯდომარე ირაკლი კობახიძე ესწრება. პროცესზე არ იმყოფება პრეზიდენტი. სალომე ზურაბიშვილს სასამართლოში თამარ ჩუგოშვილი და მაია კოპალეიშვილი წარმოადგენენ. შეგახსენებთ, საკონსტიტუციო სასამართლოში პროცესი, გუშინ, 3 ოქტომბერს 12:00 საათზე დაიწყო. მხარეებმა სასამართლოს საკუთარი პოზიციები გააცნეს. "ქართულმა ოცნებამ" საქართველოს პრეზიდენტის, სალომე ზურაბიშვილის მიმართ იმპიჩმენტის პროცედურის დაწყების გადაწყვეტილებ...